ಸಮ್ರಾಟ್ ಚೌಧರಿ ಬಿಹಾರದ ೨೪ ನೇ ಮುಖ್ಯಮಂತ್ರಿಯಾಗಿ ಅಧಿಕಾರ ಸ್ವೀಕಾರ

ಪಾಟಲಿಪುತ್ರ (ಬಿಹಾರ) – ಭಾಜಪ ನಾಯಕ ಸಮ್ರಾಟ್ ಚೌಧರಿ ಅವರು ಏಪ್ರಿಲ್ ೧೫ ರಂದು ಬಿಹಾರದ ೨೪ ನೇ ಮುಖ್ಯಮಂತ್ರಿಯಾಗಿ ಪ್ರಮಾಣ ವಚನ ಸ್ವೀಕರಿಸಿದರು. ರಾಜ್ಯಪಾಲ ಸೈಯದ್ ಅತಾ ಹಸನೈನ್ ಅವರು ಇಲ್ಲಿನ ಲೋಕ ಭವನದಲ್ಲಿ ಅವರಿಗೆ ಪದವಿ ಮತ್ತು ಗೌಪ್ಯತೆಯ ಪ್ರಮಾಣ ವಚನ ಬೋಧಿಸಿದರು. ಈ ಸಂದರ್ಭದಲ್ಲಿ ಸಂಯುಕ್ತ ಜನತಾ ದಳದ ವಿಜಯ ಚೌಧರಿ ಮತ್ತು ಬಿಜೇಂದ್ರ ಯಾದವ್ ಅವರು ರಾಜ್ಯದ ಉಪಮುಖ್ಯಮಂತ್ರಿಗಳಾಗಿ ಅಧಿಕಾರ ವಹಿಸಿಕೊಂಡರು.

ಮುಖ್ಯಮಂತ್ರಿ ಸಮ್ರಾಟ್ ಚೌಧರಿ ಅವರ ತಂದೆ ಶಕುನಿ ಚೌಧರಿ ಈ ಸಂದರ್ಭದಲ್ಲಿ ಮಾತನಾಡಿ, ‘ಕೆಲವೊಮ್ಮೆ ದೇವರ ಕೃಪೆ ಇರುತ್ತದೆ. ನಾವು ಅನೇಕ ಪಕ್ಷಗಳಿಗಾಗಿ ಜೀವ ಸವೆಸಿ ಹೋರಾಟ ನಡೆಸಿದೆವು; ಆದರೆ ನಮಗೆ ಯಶಸ್ಸು ಸಿಗಲಿಲ್ಲ. ಇಂದು ಅಮಿತ್ ಶಾ, ನರೇಂದ್ರ ಮೋದಿ ಮತ್ತು ನಿತೀಶ್ ಕುಮಾರ್ ಅವರ ಆಶೀರ್ವಾದದಿಂದ ಸಮ್ರಾಟ್ ಮುಂದೆ ಬಂದಿದ್ದಾರೆ. ಕಷ್ಟಕ್ಕೆ ತಕ್ಕ ಪ್ರತಿ ಫಲ ಸಿಕ್ಕೇ ಸಿಗುತ್ತದೆ. ಯಾರು ಕಠಿಣ ಪರಿಶ್ರಮ ಪಡುತ್ತಾರೋ, ಅವರೇ ಪ್ರಗತಿ ಹೊಂದುತ್ತಾರೆ,’ ಎಂದು ಹೇಳಿದರು.