ಮತಾಂತರ ವಿರೋಧಿ ಕಾಯ್ದೆಯು ಒಂದು ‘ಕ್ರಾಂತಿಕಾರಿ’ ಕಾಯ್ದೆ! – ಗೋಪಿಚಂದ ಪಡಳಕರ, ಭಾಜಪ ಶಾಸಕ

‘ಮತಾಂತರ ವಿರೋಧಿ ಕಾಯ್ದೆಯ ಅಗತ್ಯವಿತ್ತು’, ಎಂದೂ ಹೇಳಿಕೆ ನೀಡಿದರು

ಮುಂಬಯಿ, ಮಾರ್ಚ್ ೬ (ಸುದ್ದಿ) – ಮುಖ್ಯಮಂತ್ರಿ ದೇವೇಂದ್ರ ಫಡ್ನವಿಸ್ ಅವರು ಮತಾಂತರ ವಿರೋಧಿ ಕಾಯ್ದೆಯ ಬಗ್ಗೆ ತೆಗೆದುಕೊಂಡಿರುವ ನಿರ್ಧಾರಕ್ಕಾಗಿ ನಾನು ಇಡೀ ಸಚಿವ ಸಂಪುಟವನ್ನು ವಿಶೇಷವಾಗಿ ಅಭಿನಂದಿಸುತ್ತೇನೆ. ಈ ಕ್ರಾಂತಿಕಾರಿ ಕಾಯ್ದೆಯು ಅಂಗೀಕಾರವಾಗುತ್ತಿದೆ. ಹಿಂದೂ ಧರ್ಮದ ರಕ್ಷಣೆಗಾಗಿ ಈ ಕಾಯ್ದೆಯ ಅಗತ್ಯವಿತ್ತು. ಹಿಂದೂ ಸಮಾಜವು ಸತತವಾಗಿ ಬೀದಿಗಿಳಿದು ಹೋರಾಡುತ್ತಿತ್ತು, ಪ್ರತಿದಿನ ಇಂತಹ ಘಟನೆಗಳು ನಡೆಯುತ್ತಿದ್ದವು. ಜನರನ್ನು ಪ್ರತಿದಿನ ಮತಾಂತರ ಮಾಡಲಾಗುತ್ತಿತ್ತು. ಹಣದ ಆಮಿಷ ಒಡ್ಡಲಾಗುತ್ತಿತ್ತು. ಕೆಲವೊಮ್ಮೆ ಪವಾಡಗಳ ಮೂಲಕ, ಇನ್ನು ಕೆಲವೊಮ್ಮೆ ಹಿಂದೂ ದೇವತೆಗಳನ್ನು ನಿಂದಿಸುವ ಮೂಲಕ ಮತಾಂತರ ಮಾಡಲಾಗುತ್ತಿತ್ತು. ಕೆಲವು ರಾಜ್ಯಗಳ ಬಹುತೇಕ ಎಲ್ಲಾ ಜನರು ಬೇರೆ ಧರ್ಮಕ್ಕೆ ಮತಾಂತರಗೊಂಡಿದ್ದಾರೆ. ಯಾರು ಆದಿವಾಸಿಗಳಾಗಿದ್ದರೋ, ಅವರು ಬೇರೆ ಧರ್ಮಕ್ಕೆ ಸೇರಿದ್ದಾರೆ. ಆದರೆ ದಾಖಲೆಗಳನ್ನು ಮಾತ್ರ ಆದಿವಾಸಿಗಳದ್ದೇ ಬಳಸುತ್ತಿದ್ದಾರೆ. ಮೀಸಲಾತಿಯನ್ನು ಪಡೆಯುವುದು ಮತ್ತು ಪೂಜಾ ಪದ್ಧತಿಯನ್ನು ಬದಲಾಯಿಸುವುದು ಸರ್ವೋಚ್ಚ ನ್ಯಾಯಾಲಯಕ್ಕೂ ಒಪ್ಪಿಗೆಯಿಲ್ಲ. ಆದ್ದರಿಂದ ಮತಾಂತರ ವಿರೋಧಿ ಕಾಯ್ದೆಯ ಅಗತ್ಯವಿತ್ತು ಎಂದು ಭಾಜಪ ಶಾಸಕ ಶ್ರೀ ಗೋಪಿಚಂದ ಪಡಳಕರ ಅವರು ವಿಧಾನಭವನದಲ್ಲಿ ಪತ್ರಕರ್ತರೊಂದಿಗೆ ಮಾತನಾಡುವಾಗ ಖಡಕ್ ಆಗಿ ಹೇಳಿದರು.

ಧರ್ಮದ ಕಾರ್ಯದಲ್ಲಿ ನಾನು ಬೆದರಿಕೆಗಳಿಗೆ ಅಂಜುವುದಿಲ್ಲ! – ಶಾಸಕ ಪಡಳಕರ

ಪಡಳಕರ ಅವರು ಮಾತು ಮುಂದುವರಿಸಿ, “ನಾವು ದೇವ ಮತ್ತು ಧರ್ಮದ ಕೆಲಸವನ್ನು ಕೈಗೆತ್ತಿಕೊಂಡಾಗ, ಬೆದರಿಕೆಗಳಿಗೆ ಸೊಪ್ಪು ಹಾಕುವುದಿಲ್ಲ. ಛತ್ರಪತಿ ಸಂಭಾಜಿ ಮಹಾರಾಜರು ಧರ್ಮಕ್ಕಾಗಿ ಬಲಿದಾನ ನೀಡಿದರು; ಆದರೆ ಅವರು ಎಂದೂ ತಲೆಬಾಗಲಿಲ್ಲ. ನಾವು ಅವರ ಸೈನಿಕರಾಗಿ ಧರ್ಮವನ್ನು ರಕ್ಷಿಸುವುದು ನಮ್ಮ ಕರ್ತವ್ಯವಾಗಿದೆ. ನನ್ನ ವಿರುದ್ಧ ಪ್ರತಿಭಟನೆಗಳು ನಡೆದವು; ಆದರೂ ನಾನು ಧರ್ಮದ ಕೆಲಸವನ್ನು ಬಿಡುವುದಿಲ್ಲ” ಎಂದು ಹೇಳಿದರು.