ನವದೆಹಲಿ – ದೆಹಲಿಯ ‘ಏಮ್ಸ್’ ಆಸ್ಪತ್ರೆಯ ನೇತೃತ್ವದಲ್ಲಿ ನಡೆಸಿದ ಅಧ್ಯಯನದಲ್ಲಿ, ದೇಶದ ಶಾಲೆಗೆ ಹೋಗುವ ಮಕ್ಕಳಲ್ಲಿ ತಂಬಾಕು, ಧೂಮಪಾನ, ಮದ್ಯಪಾನ, ಹಾಗೆಯೇ ಅಮಲು ಪದಾರ್ಥಗಳ ವ್ಯಸನವು ಸರಾಸರಿ ೧೩ನೇ ವಯಸ್ಸಿನಲ್ಲೇ ಪ್ರಾರಂಭವಾಗುತ್ತದೆ ಎಂಬ ಆಘಾತಕಾರಿ ಮಾಹಿತಿ ಬಹಿರಂಗವಾಗಿದೆ. ಈ ಅಧ್ಯಯನದಲ್ಲಿ ಭಾರತದ ೧೦ ಪ್ರಮುಖ ನಗರಗಳ ಶಾಲಾ ಮಕ್ಕಳನ್ನು ಸೇರಿಸಿಕೊಳ್ಳಲಾಗಿತ್ತು. ಒಟ್ಟು ೫,೯೨೦ ವಿದ್ಯಾರ್ಥಿಗಳ ಮೇಲೆ ಸಮೀಕ್ಷೆ ನಡೆಸಲಾಯಿತು.
೧. ಅಧ್ಯಯನದ ಪ್ರಕಾರ, ೮ನೇ, ೯ನೇ, ೧೧ನೇ ಮತ್ತು ೧೨ನೇ ತರಗತಿಯಲ್ಲಿ ಓದುತ್ತಿರುವ ವಿದ್ಯಾರ್ಥಿಗಳಲ್ಲಿ ಹೆಚ್ಚಿನ ಸಂಖ್ಯೆಯ ಮಕ್ಕಳು ಚಿಕ್ಕ ವಯಸ್ಸಿನಲ್ಲಿಯೇ ವ್ಯಸನಗಳ ಅನುಭವ ಪಡೆದಿರುವುದು ಕಂಡುಬಂದಿದೆ.
೨. ಮಕ್ಕಳು ಚಿಕ್ಕ ವಯಸ್ಸಿನಲ್ಲಿ, ಅಂದರೆ ಸರಾಸರಿ ೧೧ ವರ್ಷ ೩ ತಿಂಗಳಿದ್ದಾಗ ಉಸಿರಾಟದ ಮೂಲಕ ಸೇವಿಸುವ ಅಮಲು ಪದಾರ್ಥಗಳನ್ನು ಬಳಸುತ್ತಾರೆ, ಸರಾಸರಿ ೧೨ ವರ್ಷ ೩ ತಿಂಗಳಿದ್ದಾಗ ಹೆರಾಯಿನ್ ಮತ್ತು ಸರಾಸರಿ ೧೨ ವರ್ಷ ೫ ತಿಂಗಳಿದ್ದಾಗ ವೈದ್ಯಕೀಯ ಔಷಧಿಗಳ ದುರ್ಬಳಕೆ ಮಾಡುತ್ತಾರೆ.
೩. ಮಕ್ಕಳಿಂದ ತಂಬಾಕು ಮತ್ತು ಮದ್ಯಪಾನ ಹೆಚ್ಚು ಬಳಸಲ್ಪಡುವ ಪದಾರ್ಥಗಳಾಗಿವೆ ಎಂದು ಅಧ್ಯಯನದಲ್ಲಿ ಸ್ಪಷ್ಟವಾಗಿದೆ.
೪. ಅಧ್ಯಯನದಲ್ಲಿ ಭಾಗವಹಿಸಿದ ವಿದ್ಯಾರ್ಥಿಗಳಲ್ಲಿ ೧೫ ಪ್ರತಿಶತಕ್ಕಿಂತ ಹೆಚ್ಚು ವಿದ್ಯಾರ್ಥಿಗಳು ತಮ್ಮ ಜೀವನದಲ್ಲಿ ಎಂದಾದರೂ ವ್ಯಸನ ಮಾಡಿರುವುದಾಗಿ ಒಪ್ಪಿಕೊಂಡಿದ್ದಾರೆ, ಮತ್ತು ೧೦.೩ ಪ್ರತಿಶತ ವಿದ್ಯಾರ್ಥಿಗಳು ಕಳೆದ ಒಂದು ವರ್ಷದಲ್ಲಿ, ಹಾಗೂ ೭.೨ ಪ್ರತಿಶತ ವಿದ್ಯಾರ್ಥಿಗಳು ಕಳೆದ ತಿಂಗಳಲ್ಲಿ ಅಂತಹ ಪದಾರ್ಥಗಳನ್ನು ಬಳಸಿದ್ದಾರೆ ಎಂದು ತಿಳಿಸಿದ್ದಾರೆ.
೫. ಅರ್ಧದಷ್ಟು ವಿದ್ಯಾರ್ಥಿಗಳು ತಂಬಾಕು ಸುಲಭವಾಗಿ ಲಭ್ಯವಿದೆ ಎಂದು, ಮತ್ತು ೩೬ ಪ್ರತಿಶತ ವಿದ್ಯಾರ್ಥಿಗಳು ಮದ್ಯ ಸುಲಭವಾಗಿ ಸಿಗುತ್ತದೆ ಎಂದು ತಿಳಿಸಿದ್ದಾರೆ. ಇದರಿಂದ ಅಪ್ರಾಪ್ತ ಮಕ್ಕಳಿಗೆ ವ್ಯಸನಕಾರಿ ಪದಾರ್ಥಗಳು ಸುಲಭವಾಗಿ ಲಭ್ಯವಾಗುತ್ತಿರುವುದು ಕಂಡುಬಂದಿದೆ.
೬. ೯೫ ಪ್ರತಿಶತ ವಿದ್ಯಾರ್ಥಿಗಳಿಗೆ ವ್ಯಸನ ಹಾನಿಕಾರಕ ಎಂಬ ಅರಿವಿದ್ದರೂ, ಅವುಗಳ ಬಳಕೆ ಮುಂದುವರೆದಿರುವುದು ಕಂಡುಬಂದಿದೆ.
೭. ನಗರ ಪ್ರದೇಶಗಳಲ್ಲಿ ಹುಡುಗಿಯರಲ್ಲಿಯೂ ಧೂಮಪಾನ ಮತ್ತು ಮದ್ಯಪಾನದ ಅಭ್ಯಾಸ ಹೆಚ್ಚು ಪ್ರಮಾಣದಲ್ಲಿ ಕಂಡುಬಂದಿದೆ.
೮. ಶಾಲಾ ಮತ್ತು ಕಾಲೇಜು ಆವರಣಗಳಲ್ಲಿ ತಂಬಾಕು ಉತ್ಪನ್ನಗಳು ಮಾತ್ರವಲ್ಲದೆ ಅಮಲು ಪದಾರ್ಥಗಳು ಸಹ ಬಹಿರಂಗವಾಗಿ ದೊರೆಯುತ್ತವೆ ಎಂದು ಮೂಲಗಳು ಹೇಳುತ್ತವೆ. ಚರಸ್-ಗಾಂಜಾದಿಂದ ಹಿಡಿದು ವಿವಿಧ ಅಮಲು ಪದಾರ್ಥಗಳು ವಿದ್ಯಾರ್ಥಿಗಳಿಗೆ ಸುಲಭವಾಗಿ ಲಭ್ಯವಾಗುತ್ತಿದ್ದು, ಹೆಚ್ಚಿನ ಸಂಖ್ಯೆಯ ಯುವ ಪೀಳಿಗೆ ವ್ಯಸನದತ್ತ ತಿರುಗುತ್ತಿದೆ.
೯. ವಿದ್ಯಾರ್ಥಿಗಳು ಮೊದಲು ಮೋಜು ಮಾಡಲು, ನಂತರ ಸ್ನೇಹಿತರ ಒತ್ತಾಯದ ಭಾಗವಾಗಿ, ಮತ್ತು ನಂತರ ಅಭ್ಯಾಸದ ಭಾಗವಾಗಿ ಹೀಗೆ ಶಾಲಾ ಜೀವನದಿಂದಲೇ ಈ ವ್ಯಸನದ ಪಯಣ ಪ್ರಾರಂಭವಾಗುತ್ತದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
ಸಂಪಾದಕೀಯ ನಿಲುವುಇಂತಹ ಮಕ್ಕಳು ದೇಶದ ಆದರ್ಶ ನಾಗರಿಕರಾಗಲು ಸಾಧ್ಯವೇ? ಜನರಿಗೆ ಸಾಧನೆ (ಆಧ್ಯಾತ್ಮಿಕ ಅಭ್ಯಾಸ) ಕಲಿಸದ ಇಲ್ಲಿಯವರೆಗಿನ ಎಲ್ಲ ಪಕ್ಷಗಳ ಆಡಳಿತಗಾರರೇ ಇದಕ್ಕೆ ಹೊಣೆಗಾರರು! |
ಹಸು ಹಿಂದೂಗಳಿಗೆ ಪವಿತ್ರ: ಅದರ ಹತ್ಯೆಯಿಂದ ಹಿಂದೂಗಳ ಧಾರ್ಮಿಕ ಭಾವನೆಗಳಿಗೆ ಧಕ್ಕೆಯಾಗಬಹುದು! – ಗುಜರಾತ್ ಹೈಕೋರ್ಟ್
ಶನಿಶಿಂಗಣಾಪುರದ ಶ್ರೀ ಶನಿದೇವರ ಮೂರ್ತಿಯ ಸಂರಕ್ಷಣೆಗಾಗಿ ವಜ್ರಲೇಪನ ಮಾಡಲಾಗುವುದು !
ಹಿಂದೂ ವಿವಾಹ ಕಾಯ್ದೆಯಡಿ ವಿವಾಹ ಮಾನ್ಯವಾಗಲು ಕೇವಲ ವಿವಾಹ ಪ್ರಮಾಣಪತ್ರವಿದ್ದರೆ ಸಾಲದು !
ವಾರಾಣಸಿ: ದಾಲ್ಮಂಡಿ ರಸ್ತೆ ಅಗಲೀಕರಣ ಯೋಜನೆಯಡಿ ೫ ಮಸೀದಿಗಳ ಮೇಲೆ ಕ್ರಮ
ಈಗ ಮಥುರಾ, ಬೃಂದಾವನ ಮತ್ತು ಶ್ರೀಕೃಷ್ಣ ಜನ್ಮಭೂಮಿ ಕುರಿತೂ ಬಹಿರಂಗವಾಗಿ ಚರ್ಚೆಯಾಗಬೇಕು! – ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್
ಬಿಹಾರದಲ್ಲಿ ಮಿಷನರಿಗಳಿಂದ ಹಿಂದೂಗಳಿಗೆ ಆಮಿಷವೊಡ್ಡಿ ಕ್ರೈಸ್ತರನ್ನಾಗಿ ಮಾಡುವ ಪ್ರಯತ್ನ!