ಪಾಕಿಸ್ತಾನದ ಪ್ರಜಾಪ್ರಭುತ್ವ ನಕಲಿಯಾಗಿದ್ದು, ಅಲ್ಲಿ ಸೇನೆಯ ಆಡಳಿತವಿದೆ! – ಪ್ರಸಿದ್ಧ ಗೀತ ರಚನೆಕಾರ, ಬರಹಗಾರ ಜಾವೇದ್ ಅಖ್ತರ್

ನವದೆಹಲಿ – ಅಮೇರಿಕಾದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಪಾಕಿಸ್ತಾನದೊಂದಿಗೆ ಮಾತನಾಡಲು ಬಯಸಿದಾಗ, ಅವರು ಅಧ್ಯಕ್ಷರು ಅಥವಾ ಪ್ರಧಾನ ಮಂತ್ರಿಯೊಂದಿಗೆ ಮಾತನಾಡಬಹುದಿತ್ತು; ಆದರೆ ಅವರಿಗೆ ನಿಜವಾದ ಶಕ್ತಿ ಎಲ್ಲಿದೆ ಎಂದು ತಿಳಿದಿದೆ. ಆದ್ದರಿಂದ ಅವರು ತಮ್ಮ ಫೀಲ್ಡ್ ಮಾರ್ಷಲ್ ಅಸೀಮ್ ಮುನೀರ್ ಅವರನ್ನು ಅಮೇರಿಕಾಕ್ಕೆ ಭೋಜನಕ್ಕೆ ಆಹ್ವಾನಿಸಿದರು. ಇದರಿಂದ ಪಾಕಿಸ್ತಾನದ ಪ್ರಜಾಪ್ರಭುತ್ವ ನಕಲಿಯಾಗಿದ್ದು, ಅಲ್ಲಿ ಸೇನೆಯೇ ದೇಶವನ್ನು ಆಳುತ್ತದೆ ಎಂಬುದು ಸ್ಪಷ್ಟವಾಯಿತು. ಹೀಗಿರುವಾಗ ಭಾರತದೊಂದಿಗೆ ಉತ್ತಮ ಸಂಬಂಧಗಳು ಅವರಿಗೆ ಹೇಗೆ ಶೋಭೆ ತರುತ್ತದೆ? ಎಂದು ಖ್ಯಾತ ಗೀತ ರಚನೆಕಾರ ಮತ್ತು ಬರಹಗಾರ ಜಾವೇದ್ ಅಖ್ತರ್ ಪಾಕಿಸ್ತಾನದ ವಾಸ್ತವ ಸ್ಥಿತಿಯನ್ನು ತೆರೆದಿಟ್ಟರು. ಅವರು ನವದೆಹಲಿಯಲ್ಲಿ ಒಂದು ಸುದ್ದಿವಾಹಿನಿಯ ಕಾರ್ಯಕ್ರಮದಲ್ಲಿ ಮಾತನಾಡುತ್ತಿದ್ದರು.

1. ಅಖ್ತರ್ ಮುಂದೆ ಮಾತನಾಡಿ, 1965 ರಲ್ಲಿ ಯುದ್ಧ ಮತ್ತು ನಂತರ ಕೆಲವು ವರ್ಷಗಳ ನಂತರ ಕಾರ್ಗಿಲ್ ಯುದ್ಧ ನಡೆಯಿತು. ಪ್ರತಿ ಬಾರಿಯೂ ಪಾಕಿಸ್ತಾನ ಸರಕಾರವು ಜವಾಬ್ದಾರಿಯನ್ನು ತಳ್ಳಿಹಾಕುತ್ತದೆ ಮತ್ತು ತನ್ನ ಪಾಲ್ಗೊಳ್ಳುವಿಕೆ ಇಲ್ಲ ಎಂದು ಹೇಳುತ್ತದೆ. 1948 ರಲ್ಲಿ ಪಾಕಿಸ್ತಾನದ ಬುಡಕಟ್ಟು ಜನಾಂಗದವರು ಕಾಶ್ಮೀರದಲ್ಲಿ ಅಕ್ರಮವಾಗಿ ನುಸುಳಿದ್ದರು ಎಂದು ಹೇಳಿತ್ತು; ಕಾರ್ಗಿಲ್ ಯುದ್ಧದ ಸಮಯದಲ್ಲಿ ಮಾತ್ರ ಪಾಕಿಸ್ತಾನವು ಅಲ್ಲಿಗೆ ಯಾರು ಹೋಗಿದ್ದಾರೆ ಎಂಬುದು ತಿಳಿದಿಲ್ಲ ಎಂದು ಹೇಳಿತು. ಅದೇ ರೀತಿ ಪಹಲಗಾಮ್ ನಲ್ಲಿಯೂ ಈ ದಾಳಿಯ ಬಗ್ಗೆ ಏನೂ ತಿಳಿದಿಲ್ಲ ಎಂದು ಹೇಳಿತು. ಇದು ಹೊಸದೇನಲ್ಲ, ಪಾಕಿಸ್ತಾನ ಯಾವಾಗಲೂ ಹೀಗೆ ಮಾಡುತ್ತದೆ.

2. ಭಾರತ ಮತ್ತು ಪಾಕಿಸ್ತಾನದ ನಡುವಿನ ಸಂಬಂಧಗಳ ಬಗ್ಗೆ ಜಾವೇದ್ ಅಖ್ತರ್ ಮಾತನಾಡಿ, ಪಾಕಿಸ್ತಾನದ ಅನೇಕ ಜನರು ಭಾರತದೊಂದಿಗೆ ಸ್ನೇಹವನ್ನು ಬಯಸುತ್ತಾರೆ; ಆದರೆ ಅಲ್ಲಿನ ಸರಕಾರ ಮತ್ತು ಸೇನೆ ಇದನ್ನು ವಿರೋಧಿಸುತ್ತದೆ.