MLA Arrested : ಅಸಹಜ ಲೈಂಗಿಕ ದೌರ್ಜನ್ಯದ ಪ್ರಕರಣದಲ್ಲಿ ಪ್ರಜ್ವಲ್ ರೇವಣ್ಣನ ಸಹೋದರ ಶಾಸಕ ಸೂರಜ್ ರೇವಣ್ಣ ಬಂಧನ

ಹಾಸನ – ನೂರಾರು ಮಹಿಳೆಯರಿಗೆ ಲೈಂಗಿಕ ಕಿರುಕುಳ ನೀಡಿದ ಪ್ರಕರಣದಲ್ಲಿ ಬಂಧಿತನಾಗಿದ್ದ ಜನತಾದಳದ ಮಾಜಿ ಸಂಸದ ಪ್ರಜ್ವಲ್ ರೇವಣ್ಣನ ಬಂಧನದ ನಂತರ ಇದೀಗ ಅವರ ಸಹೋದರ ಶಾಸಕ ಸೂರಜ್ ರೇವಣ್ಣನನ್ನೂ ಅಸಹಜ ಲೈಂಗಿಕ ದೌರ್ಜನ್ಯದ ಪ್ರಕರಣದಲ್ಲಿ ಬಂಧಿಸಲಾಗಿದೆ. ಪಕ್ಷದ ಕಾರ್ಯಕರ್ತನೇ ನೀಡಿದ ದೂರಿನ ನಂತರ ಪೊಲೀಸರು ಸೂರಜ್‌ನನ್ನು ಬಂಧಿಸಿದ್ದಾರೆ. ಆತ ವಿಧಾನ ಪರಿಷತ್ ನ ಶಾಸಕನಾಗಿದ್ದಾನೆ. ಸೂರಜ್ ವಿರುದ್ಧ ಹಾಸನ ಜಿಲ್ಲೆಯ ಹೊಳೆನರಸೀಪುರದ ಪೊಲೀಸ್ ಠಾಣೆಯಲ್ಲಿ ದೂರನ್ನು ದಾಖಲಿಸಲಾಗಿದೆ.

1. ದೂರಿನ ಪ್ರಕಾರ ಜೂ.16ರಂದು ಸೂರಜ್ ರೇವಣ್ಣ ಈ ಯುವ ಕಾರ್ಯಕರ್ತನನ್ನು ತೋಟದ ಮನೆಗೆ ಕರೆದಿದ್ದ. ಅಲ್ಲಿ ಕಾರ್ಯಕರ್ತನ ಮೇಲೆ ಅಸಹಜ ಲೈಂಗಿಕ ದೌರ್ಜನ್ಯದ ಮಾಡಿದ. ಹಾಗೆಯೇ ಅವನಿಗೆ ಥಳಿಸಿದ.

2. ಸಂತ್ರಸ್ತ ಯುವಕನು ದೂರಿನಲ್ಲಿ, ‘ಸೂರಜ್ ನನ್ನ ಮೇಲೆ ಅಸಹಜ ಲೈಂಗಿಕ ದೌರ್ಜನ್ಯ ಮಾಡಿದ ನಂತರ ನನಗೆ ರಾಜಕೀಯದಲ್ಲಿ ಉತ್ತಮ ಸ್ಥಾನಮಾನ ಕಲ್ಪಿಸಿಕೊಡುವುದಾಗಿ ಆಮಿಷವೊಡ್ಡಿದ್ದ’ ಎಂದು ತಿಳಿಸಿದ್ದಾನೆ.

3. ಮತ್ತೊಂದೆಡೆ, ಸೂರಜ್ ರೇವಣ್ಣ ಮತ್ತು ಅವನ ಸಹೋದ್ಯೋಗಿ ಶಿವಕುಮಾರ್ ಸಂತ್ರಸ್ತನ ವಿರುದ್ಧ ಬೆದರಿಕೆ ಮತ್ತು ಸುಲಿಗೆ ಅಪರಾಧವನ್ನು ದಾಖಲಿಸಿದ್ದಾರೆ. ‘ಲೈಂಗಿಕ ದೌರ್ಜನ್ಯದ ಸುಳ್ಳು ದೂರನ್ನು ದಾಖಲಿಸಿ ಮಾನಹಾನಿ ಮಾಡುತ್ತೇನೆ’ ಎಂದು ಸಂತ್ರಸ್ತ ಬೆದರಿಕೆ ಹಾಕಿದ್ದಾನೆ ಎಂದು ಸೂರಜ್ ನೀಡಿರುವ ದೂರಿನಲ್ಲಿ ಹೇಳಲಾಗಿದೆ.