ಸನಾತನ ಪ್ರಭಾತ > ಏಷ್ಯಾ > ಭಾರತ > ರಾಜಸ್ಥಾನ > ಜಯಪುರದಲ್ಲಿ ಕಿವಿಯಲ್ಲಿಟ್ಟ ಬ್ಲೂಟೂತ್ ಇಯರ್ ಫೋನ್ ಸ್ಫೋಟಗೊಂಡು ಯುವಕನ ಸಾವು

ಜಯಪುರದಲ್ಲಿ ಕಿವಿಯಲ್ಲಿಟ್ಟ ಬ್ಲೂಟೂತ್ ಇಯರ್ ಫೋನ್ ಸ್ಫೋಟಗೊಂಡು ಯುವಕನ ಸಾವು

ಪ್ರಾತಿನಿಧಿಕ ಚಿತ್ರ

ಜಯಪುರ(ರಾಜಸ್ಥಾನ) – ಇಲ್ಲಿಯ ರಾಕೇಶ ನಾಗರ ಎಂಬ ೨೮ ವರ್ಷದ ಯುವಕನು ಹಾಡನ್ನು ಕೇಳುತ್ತಿರುವಾಗ ಬ್ಲೂಟೂತ ಇಯರ್ ಫೋನಿನ ಎರಡೂ ಇಯರ್‌ಬಡ್ಸ್ ನಡುವೆ ಸ್ಫೋಟವಾಗಿ ಸಾವನ್ನಪ್ಪಿದ್ದಾನೆ. ಈ ಘಟನೆಯು ಚೋಮು ಎಂಬ ಪ್ರದೇಶದ ಉದಯಪೂರಿಯಾ ಊರಿನಲ್ಲಿ ನಡೆದಿದೆ. ದೇಶದಲ್ಲಿ ಈ ರೀತಿಯ ಘಟನೆ ಇದೇ ಮೊದಲ ಬಾರಿ ನಡೆದಿದೆ. ಇಲ್ಲಿಯವರೆಗೆ ಸಂಚಾರವಾಣಿ ಅಥವಾ ಪವರ್ ಬ್ಯಾಂಕ್ ಇಂತಹವುಗಳ ಸ್ಫೋಟವಾಗಿ ಸಾವಿನ ಘಟನೆಗಳು ಅಥವಾ ಗಾಯಗೊಂಡಿರುವ ಘಟನೆಗಳು ನಡೆದಿದ್ದವು.

ಸ್ಪೋಟದಿಂದ ರಾಕೇಶ ನಾಗರನು ಗಂಭೀರವಾಗಿ ಗಾಯಗೊಂಡು ಆತನ ಕಿವಿಯಿಂದ ರಕ್ತ ಸುರಿಯಲಾರಂಭಿಸಿತು ಆತ ಪ್ರಜ್ಞೆ ತಪ್ಪಿ ನೆಲಕ್ಕೆ ಕುಸಿದುಬಿದ್ದನು. ಆತನನ್ನು ಹತ್ತಿರದ ಆಸ್ಪತ್ರೆಗೆ ಉಪಚಾರಕ್ಕಾಗಿ ದಾಖಲಿಸಲಾಯಿತು. ಆದರೆ ವೈದ್ಯರ ತಪಾಸಣೆಯ ನಂತರ ಯುವಕನು ಮೃತಪಟ್ಟಿದ್ದಾನೆಂದು ಹೇಳಿದರು. ರಾಕೇಶನಿಗೆ ಚಿಕಿತ್ಸೆ ನೀಡಿದ ವೈದ್ಯರ ಪ್ರಕಾರ ಇಯರ್ ಬಡ್ಸ್‌ನ ಸ್ಫೋಟದ ನಂತರ ಬಹುಶಃ ಹೃದಯಾಘಾತದಿಂದ ರಾಕೇಶನ ಮೃತ್ಯುವಾಗಿರಬಹುದು ಎಂದು ಹೇಳಿದರು.

ಸಂಬಂಧಿತ ಲೇಖನಗಳು