ಬಂಗಾಳ: ಪ್ರಧಾನಿ ಮೋದಿ ಅವರಿಗೆ ‘ಝಾಲ್ಮುಡಿ’ (ಒಣ ಭೇಲ್) ತಿನಿಸಿದ್ದ ಅಂಗಡಿಯವನಿಗೆ ಪಾಕ್ ಮತ್ತು ಬಾಂಗ್ಲಾದೇಶದಿಂದ ಬೆದರಿಕೆ

ಕೋಲಕಾತಾ (ಬಂಗಾಳ) – ಬಂಗಾಳದಲ್ಲಿ ಇತ್ತೀಚೆಗೆ ನಡೆದ ವಿಧಾನಸಭಾ ಚುನಾವಣೆಯ ಪ್ರಚಾರದ ವೇಳೆ, ಪ್ರಧಾನಿ ನರೇಂದ್ರ ಮೋದಿ ಅವರು ಝಾಡ್‌ಗ್ರಾಮ್‌ನಲ್ಲಿ ಝಾಲ್ಮುಡಿ (ಒಣ ಭೇಲ್) ಮಾರಾಟ ಮಾಡುವ ವಿಕ್ರಮ್ ಸಾವ್ ಅವರ ಅಂಗಡಿಗೆ ಭೇಟಿ ನೀಡಿ ಝಾಲ್ಮುಡಿ ತಿಂದಿದ್ದರು. ಇದರ ವಿಡಿಯೋ ಅನ್ನು ಪ್ರಧಾನಿ ಮೋದಿ ಸ್ವತಃ ಹಂಚಿಕೊಂಡಿದ್ದರು. ಈ ಘಟನೆಯು ದೇಶ-ವಿದೇಶಗಳಲ್ಲಿ ಸಾಕಷ್ಟು ಜನಪ್ರಿಯವಾಗಿತ್ತು. ಇದೀಗ ವಿಕ್ರಮ್ ಸಾವ್ ಅವರಿಗೆ ಪಾಕಿಸ್ತಾನ ಮತ್ತು ಬಾಂಗ್ಲಾದೇಶದಿಂದ ಅವರ ಅಂಗಡಿಯನ್ನು ಬಾಂಬ್ ಇಟ್ಟು ಉಡಾಯಿಸುವುದಾಗಿ ಬೆದರಿಕೆಗಳು ಬರುತ್ತಿವೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರಿಂದ ಇದುವರೆಗೆ ಯಾವುದೇ ಅಧಿಕೃತ ಹೇಳಿಕೆ ಬಂದಿಲ್ಲ.

ವಿಕ್ರಮ್ ಸಾವ್ ಅವರು ಮಾತನಾಡಿ, “ದೂರವಾಣಿ (ಫೋನ್) ಮೂಲಕ ಬೆದರಿಕೆ ಹಾಕುವ ಜನರು ಅಶ್ಲೀಲ ಭಾಷೆಯನ್ನು ಬಳಸುತ್ತಾ ನನ್ನ ಅಂಗಡಿಯನ್ನು ಉಡಾಯಿಸುವುದಾಗಿ ಬೆದರಿಕೆ ಹಾಕುತ್ತಿದ್ದಾರೆ. ಒಂದು ವಿಡಿಯೋ ಕರೆಯಲ್ಲಿ ಕೆಲವರು ಆಯುಧಗಳನ್ನು ಸಹ ತೋರಿಸುತ್ತಿದ್ದರು. ಇದರಿಂದಾಗಿ ನನ್ನ ಕುಟುಂಬ ತೀವ್ರ ಆತಂಕದಲ್ಲಿದೆ,” ಎಂದು ಅವರು ಹೇಳಿದ್ದಾರೆ.