ಛತ್ತೀಸ್‌ಗಢದಲ್ಲಿ 66 ಹಿಂದೂ ಕುಟುಂಬಗಳಿಂದ ಘರವಾಪಸಿ Chhattisgarh Ghar Wapsi

ಕವರ್ಧಾ (ಛತ್ತೀಸ್‌ಗಢ) – ಜಿಲ್ಲೆಯ ದಮ್‌ಗಢ ಗ್ರಾಮದಲ್ಲಿ ಫೆಬ್ರವರಿ 2 ರಂದು ನಡೆದ ಭವ್ಯ ಸಮಾರಂಭದಲ್ಲಿ 66 ಹಿಂದೂ ಕುಟುಂಬಗಳು ಮರಳಿ ಹಿಂದೂ ಧರ್ಮಕ್ಕೆ ಸೇರ್ಪಡೆಗೊಂಡವು. ಭಾಜಪದ ಶಾಸಕಿ ಭಾವನಾ ಬೋಹ್ರಾ ಅವರ ಸಮ್ಮುಖದಲ್ಲಿ ಈ ಕುಟುಂಬಗಳು ತಮ್ಮ ಮೂಲ ಧರ್ಮಕ್ಕೆ ಮರಳಲು ನಿರ್ಧರಿಸಿದವು. ಈ ಸಂದರ್ಭದಲ್ಲಿ ಶಾಸಕರು ಸ್ವತಃ ಅವರ ಕಾಲುಗಳನ್ನು ತೊಳೆದು, ತಿಲಕವನ್ನಿಟ್ಟು ಸ್ವಾಗತಿಸಿದರು. ಇದರಿಂದಾಗಿ ಇಡೀ ಪರಿಸರದಲ್ಲಿ ಈ ‘ಘರ್ ವಾಪಸಿ’ಯ ಬಗ್ಗೆ ಭಾರಿ ಚರ್ಚೆ ನಡೆಯುತ್ತಿದೆ.

1. ದಮಗಢ ಗ್ರಾಮದಲ್ಲಿ ಆಯೋಜಿಸಲಾಗಿದ್ದ ‘ಆದಿವಾಸಿ ಗೌರವ ಸಮ್ಮೇಳನ’ದಲ್ಲಿ ಈ ಕುಟುಂಬಗಳನ್ನು ಸಾಂಪ್ರದಾಯಿಕವಾಗಿ ಸನ್ಮಾನಿಸಲಾಯಿತು. ಶಾಸಕಿ ಭಾವನಾ ಬೋಹ್ರಾ ಮಾತನಾಡಿ, “ಆದಿವಾಸಿ ಸಮಾಜವು ನಮ್ಮ ಪ್ರಾಚೀನ ಸಂಸ್ಕೃತಿಯ ನಿಜವಾದ ರಕ್ಷಕವಾಗಿದೆ. ಕೆಲವು ಕ್ರಿಶ್ಚಿಯನ್ ಮಿಷನರಿಗಳು ಆಮಿಷಗಳನ್ನು ತೋರಿಸುವ ಮೂಲಕ ಬಡ ಹಿಂದೂಗಳ ದಾರಿ ತಪ್ಪಿಸುತ್ತಿದ್ದಾರೆ; ಆದರೆ ಈಗ ಹಿಂದೂ ಸಮಾಜವು ಜಾಗೃತಗೊಂಡಿದೆ,” ಎಂದು ಹೇಳಿದರು.

2. ಈ ಹಿಂದೆ ನೇವುರ್ ಮತ್ತು ಕುಯಿ-ಕುಕದೂರ್ ಭಾಗದ ಸುಮಾರು 185 ಜನರು ಶಾಸಕಿ ಭಾವನಾ ಬೋಹ್ರಾ ಅವರ ನೇತೃತ್ವದಲ್ಲಿ ಹಿಂದೂ ಧರ್ಮಕ್ಕೆ ಮರಳಿದ್ದರು.

3. ಈ ಭಾಗದಲ್ಲಿ ನಡೆಯುತ್ತಿರುವ ಘರ್ ವಾಪಸಿಯನ್ನು ಕ್ರಿಶ್ಚಿಯನ್ ಮಿಷನರಿಗಳ ಮತಾಂತರದ ಪ್ರಯತ್ನಗಳಿಗೆ ನೀಡಿದ ಪ್ರಬಲ ಉತ್ತರವೆಂದು ನೋಡಲಾಗುತ್ತಿದೆ. ಈ ಕಾರ್ಯಕ್ರಮದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಗ್ರಾಮಸ್ಥರು ಮತ್ತು ಸಾಮಾಜಿಕ ಕಾರ್ಯಕರ್ತರು ಉಪಸ್ಥಿತರಿದ್ದರು.