ಛತ್ತೀಸ್‌ಗಢ: ೨೦೦ಕ್ಕೂ ಹೆಚ್ಚು ಕ್ರಿಶ್ಚಿಯನ್ ನಾಗರಿಕರ ‘ಘರ್ ವಾಪಸಿ’! Chhattisgarh: Ghar Wapsi

(ಘರ್ ವಾಪಸಿ ಅಂದರೆ ಹಿಂದೂ ಧರ್ಮಕ್ಕೆ ಮರುಪ್ರವೇಶ ಮಾಡುವುದು)

ಕಾಂಕೇರ್ (ಛತ್ತೀಸ್‌ಗಢ): ಜಿಲ್ಲೆಯ ಪೀಢಾಪಾಲ್ ಪ್ರದೇಶದಲ್ಲಿ ಜನವರಿ ೧೮ ರಂದು ವಿವಿಧ ಗ್ರಾಮಗಳಿಂದ ಬಂದಿದ್ದ ೫೦ ಕ್ರಿಶ್ಚಿಯನ್ ಕುಟುಂಬಗಳ ೨೦೦ಕ್ಕೂ ಹೆಚ್ಚು ನಾಗರಿಕರು ಕ್ರಿಶ್ಚಿಯನ್ ಧರ್ಮವನ್ನು ತ್ಯಜಿಸಿ ತಮ್ಮ ಮೂಲ ಹಿಂದೂ ಧರ್ಮಕ್ಕೆ ಮರು ಸೇರ್ಪಡೆಯಾದರು. ಈ ಕಾರ್ಯಕ್ರಮವು ಸಮಾಜದ ಒಪ್ಪಿಗೆಯಿಂದ ಮತ್ತು ಸಾಂಪ್ರದಾಯಿಕ ವಿಧಿ-ವಿಧಾನಗಳೊಂದಿಗೆ ನೆರವೇರಿತು. ಅನಾರೋಗ್ಯ ಗುಣಪಡಿಸುವ ಭರವಸೆ ಮತ್ತು ಇತರ ಆಮಿಷಗಳನ್ನು ತೋರಿಸಿ ಈ ಹಿಂದೆ ತಮ್ಮನ್ನು ಮತಾಂತರ ಮಾಡಲಾಗಿತ್ತು ಎಂದು ಘರ್ ವಾಪಸಿ ಮಾಡಿದ ಜನರು ತಿಳಿಸಿದರು. ಆತ್ಮಾವಲೋಕನದ ನಂತರ ಅವರು ಸ್ವಯಂಪ್ರೇರಿತರಾಗಿ ಹಿಂದೂ ಧರ್ಮವನ್ನು ಸ್ವೀಕರಿಸಿದರು.

೧. ಸ್ವಯಂಪ್ರೇರಿತ ನಿರ್ಧಾರ: ಪೀಢಾಪಾಲ್, ಧನತುಳಸಿ, ಮೋದೆ, ಸಾಲ್ಹೆಭಾಟ್, ಕಿರ್ಗಾಪಾಟಿ ಮತ್ತು ತರಾಂದುಲ್ ಎಂಬ ೬ ಗ್ರಾಮಗಳ ೫೦ ಕುಟುಂಬಗಳು ಈ ನಿರ್ಧಾರವನ್ನು ತೆಗೆದುಕೊಂಡವು. ಯಾವುದೇ ಒತ್ತಡಕ್ಕೆ ಒಳಗಾಗಿ ಈ ನಿರ್ಧಾರ ತೆಗೆದುಕೊಂಡಿಲ್ಲ, ಬದಲಿಗೆ ದೀರ್ಘಕಾಲ ನಡೆದ ಚರ್ಚೆ ಮತ್ತು ಸಭೆಗಳ ನಂತರ ತೆಗೆದುಕೊಳ್ಳಲಾಗಿದೆ ಎಂದು ಘರ್ ವಾಪಸಿ ಮಾಡಿದ ನಾಗರಿಕರು ಸ್ಪಷ್ಟಪಡಿಸಿದರು.

೨. ಘರ್ ವಾಪಸ್ಸಿಯ ಕಾರ್ಯಕ್ರಮ : ಪೀಢಾಪಾಲ್ ಗ್ರಾಮದ ದೇವಸ್ಥಾನದ ಆವರಣದಲ್ಲಿ ಈ ಕಾರ್ಯಕ್ರಮ ಆಯೋಜಿಸಲಾಗಿತ್ತು. ಪೂಜೆ ಮತ್ತು ಸಾಂಪ್ರದಾಯಿಕ ಸಂಸ್ಕಾರಗಳ ಮೂಲಕ ನಾಗರಿಕರನ್ನು ವಿಧಿಪೂರ್ವಕವಾಗಿ ಸನಾತನ ಧರ್ಮಕ್ಕೆ ಸೇರಿಸಿಕೊಳ್ಳಲಾಯಿತು. ಈ ಸಂದರ್ಭದಲ್ಲಿ ಜನಪ್ರತಿನಿಧಿಗಳು, ಸಮಾಜದ ಹಿರಿಯರು ಮತ್ತು ವಿವಿಧ ಸಾಮಾಜಿಕ ಸಂಸ್ಥೆಗಳ ಸದಸ್ಯರು ಉಪಸ್ಥಿತರಿದ್ದರು.

೩.  ಆದಿವಾಸಿ ಸಮಾಜದ ಸದಸ್ಯ ಈಶ್ವರ್ ಕಾವಡೆ ಅವರು ಈ ಕಾರ್ಯಕ್ರಮದ ಬಗ್ಗೆ ಮಾತನಾಡಿ, ‘ನಾಗರಿಕರು ಸ್ವಯಂಪ್ರೇರಿತವಾಗಿ ಮೂಲ ಧರ್ಮಕ್ಕೆ ಮರಳಿದ್ದಾರೆ. ಈ ಭಾಗದಲ್ಲಿನ ಉಳಿದ ಮತಾಂತರಗೊಂಡ ಕುಟುಂಬಗಳ ಸದಸ್ಯರು ಕೂಡ ಶೀಘ್ರದಲ್ಲೇ ಘರ್ ವಾಪಸಿ ಮಾಡಲಿದ್ದಾರೆ,’ ಎಂದು ತಿಳಿಸಿದರು.