ಡೈವೋರ್ಸ್‌ಗಾಗಿ ಒಂದು ವರ್ಷ ಪ್ರತ್ಯೇಕವಾಗಿ ಇರುವುದು ಅಗತ್ಯವಿಲ್ಲ! – ದೆಹಲಿ ಉಚ್ಚ ನ್ಯಾಯಾಲಯ : Delhi High Court

ನವದೆಹಲಿ – ಪರಸ್ಪರ ಒಪ್ಪಿಗೆಯೊಂದಿಗೆ ವಿಚ್ಛೇದನ ಪಡೆಯುವ ಪತಿ-ಪತ್ನಿಯರಿಗೆ ಒಂದು ವರ್ಷ ಪ್ರತ್ಯೇಕವಾಗಿ ಇರಬೇಕಾದ ಷರತ್ತು ಕಡ್ಡಾಯವಲ್ಲ. ಹಿಂದೂ ವಿವಾಹ ಅಧಿನಿಯಮ, ೧೯೫೫ ರ ಅಡಿಯಲ್ಲಿ ರಚಿಸಲಾದ ಈ ಷರತ್ತನ್ನು ಸೂಕ್ತ ಪ್ರಕರಣಗಳಲ್ಲಿ ಮನ್ನಾ ಮಾಡಬಹುದು. ಇಂತಹ ಪರಿಸ್ಥಿತಿಯಲ್ಲಿ, ಪತಿ-ಪತ್ನಿಯರನ್ನು ವಿವಾಹದ ಬಂಧನದಿಂದ ಮುಕ್ತಗೊಳಿಸುವ ಬದಲು, ಅವರನ್ನು ತಪ್ಪಾದ ಸಂಬಂಧದಲ್ಲಿ ಸಿಲುಕಿಸಿ ಇಡುವುದು ತಪ್ಪಾಗುವುದು. ಇದರಿಂದಾಗಿ ಇಬ್ಬರ ಮೇಲೂ ಅನಗತ್ಯ ಮಾನಸಿಕ ಮತ್ತು ಭಾವನಾತ್ಮಕ ಒತ್ತಡ ಉಂಟಾಗುತ್ತದೆ, ಎಂದು ದೆಹಲಿ ಉಚ್ಚ ನ್ಯಾಯಾಲಯವು ತೀರ್ಪು ನೀಡಿದೆ.