ಸನಾತನ ಪ್ರಭಾತ > Post Type > ವಾರ್ತೆಗಳು > ಅಂತಾರಾಷ್ಟ್ರೀಯ > BLA Bomb Pakistan Army : ಬಲೂಚಿಸ್ತಾನ್ ಎಂದಿಗೂ ಪಾಕಿಸ್ತಾನದ ಭಾಗವಾಗಿರಲಿಲ್ಲ ಮತ್ತು ಎಂದಿಗೂ ಆಗುವುದಿಲ್ಲ! – ಬಲೂಚ್ ನ್ಯಾಷನಲ್ ಮೂವ್‌ಮೆಂಟ್

BLA Bomb Pakistan Army : ಬಲೂಚಿಸ್ತಾನ್ ಎಂದಿಗೂ ಪಾಕಿಸ್ತಾನದ ಭಾಗವಾಗಿರಲಿಲ್ಲ ಮತ್ತು ಎಂದಿಗೂ ಆಗುವುದಿಲ್ಲ! – ಬಲೂಚ್ ನ್ಯಾಷನಲ್ ಮೂವ್‌ಮೆಂಟ್

ಪಾಕಿಸ್ತಾನ ಸೇನೆಯ ವಿರುದ್ಧ ‘ಆಪರೇಷನ್ ಬಾಮ್’ ಪ್ರಾರಂಭ

ಕ್ವೆಟ್ಟಾ (ಬಲೂಚಿಸ್ತಾನ್) – ‘ಬಲೂಚ್ ಲಿಬರೇಷನ್ ಫ್ರಂಟ್’ (ಬಿಎಲ್‌ಎಫ್) ಸಂಘಟನೆಯು ಪಾಕಿಸ್ತಾನ ಸೇನೆಯ ವಿರುದ್ಧ ‘ಆಪರೇಷನ್ ಬಾಮ್’ ಅನ್ನು ಪ್ರಾರಂಭಿಸಿದೆ. ಈ ಕಾರ್ಯಾಚರಣೆಯಲ್ಲಿ, ಪಂಜಗೂರ್, ಸುರಾಬ, ಕೆಚ ಮತ್ತು ಖರಾನ್ ಬಲೂಚಿಸ್ತಾನ್‌ನ ಪ್ರಮುಖ ಜಿಲ್ಲೆಗಳಲ್ಲಿ ಪಾಕಿಸ್ತಾನದ ಮಿಲಿಟರಿ ಮತ್ತು ಆಡಳಿತಾತ್ಮಕ ಸ್ಥಳಗಳ ಮೇಲೆ ಏಕಕಾಲದಲ್ಲಿ 17 ದಾಳಿಗಳನ್ನು ನಡೆಸಲಾಗಿದೆ. ಈ ದಾಳಿಗಳಿಂದ ‘ಸಂವಹನ ಜಾಲಗಳು’, ಆಡಳಿತ ಕಟ್ಟಡಗಳು ಮತ್ತು ಮಿಲಿಟರಿ ಪೋಸ್ಟ್‌ಗಳಿಗೆ ಭಾರಿ ಹಾನಿಯಾಗಿದೆ. ಈ ಬಗ್ಗೆ ‘ಬಲೂಚ್ ನ್ಯಾಷನಲ್ ಮೂವ್‌ಮೆಂಟ್’ (ಬಿಎನ್‌ಎಂ) ಮಾಹಿತಿ ಕಾರ್ಯದರ್ಶಿ ಖಾಜಿ ದಾದ್ ಮೊಹಮ್ಮದ್ ರೆಹಾನ್ ಅವರು ಎಎನ್‌ಐ (ಏಷ್ಯನ್ ನ್ಯೂಸ್ ಇಂಟರ್‌ನ್ಯಾಷನಲ್) ಸುದ್ದಿ ಸಂಸ್ಥೆಗೆ ನೀಡಿದ ವಿಶೇಷ ಸಂದರ್ಶನದಲ್ಲಿ, ‘ಬಲೂಚಿಸ್ತಾನ್ ಎಂದಿಗೂ ಪಾಕಿಸ್ತಾನದ ಭಾಗವಾಗಿರಲಿಲ್ಲ ಮತ್ತು ಎಂದಿಗೂ ಆಗುವುದಿಲ್ಲ’ ಎಂದು ಹೇಳಿದ್ದಾರೆ.

ರೆಹಾನ್ ಮಂಡಿಸಿದ ಅಂಶಗಳು –

1. ನಾವು ಪಾಕಿಸ್ತಾನದ ಸಂಸದೀಯ ಪ್ರಕ್ರಿಯೆಯನ್ನು ಸ್ಪಷ್ಟವಾಗಿ ವಿರೋಧಿಸಿದ ಮೊದಲ ಸಂಘಟನೆಯಾಗಿದೆ. ನಮ್ಮ ಹೋರಾಟ ಯಾವುದೇ ರೀತಿಯ ಸ್ವಾಯತ್ತತೆಗಾಗಿ ಅಲ್ಲ, ಬದಲಾಗಿ ಸಂಪೂರ್ಣ ಸ್ವಾತಂತ್ರ್ಯಕ್ಕಾಗಿ. ಬಲೂಚ್ ಜನತೆ ತಮ್ಮ ನಿರ್ಧಾರಗಳನ್ನು ತಾವೇ ತೆಗೆದುಕೊಳ್ಳಲು ಸಿದ್ಧರಾಗಿದ್ದಾರೆ.

2. 1948 ರಲ್ಲಿ ಬಲೂಚಿಸ್ತಾನ್ ಅನ್ನು ಪಾಕಿಸ್ತಾನಕ್ಕೆ ಬಲವಂತವಾಗಿ ಸೇರಿಸಿದಾಗಿನಿಂದ ನಮ್ಮ ಹೋರಾಟ ಪ್ರಾರಂಭವಾಗಿದೆ. ಹಿಂದೆ ಈ ಹೋರಾಟವು ಜನಾಂಗೀಯ ಮುಖ್ಯಸ್ಥರ ನೇತೃತ್ವದಲ್ಲಿತ್ತು; ಆದರೆ ಇಂದಿನ ಹೋರಾಟವು ಸಾಮಾನ್ಯ ಬಲೂಚ್ ಜನರದ್ದಾಗಿದೆ. ಇಂದಿನ ಬಲೂಚ್ ಹೋರಾಟಗಾರರ ಪೀಳಿಗೆಯು ಸಾಂಪ್ರದಾಯಿಕ ವಿಧಾನಗಳಲ್ಲಿ ಮಾತ್ರವಲ್ಲದೆ, ಆಧುನಿಕ ಗೆರಿಲ್ಲಾ ಯುದ್ಧ ತಂತ್ರಜ್ಞಾನ ಮತ್ತು ಕಾರ್ಯತಂತ್ರಗಳನ್ನು ಬಳಸುತ್ತಿದೆ.

3. ಬಲೂಚಿಸ್ತಾನ್‌ನ ಸಂಪನ್ಮೂಲಗಳ ಮೇಲೆ ಕೋಟ್ಯಂತರ ರೂಪಾಯಿ ಖರ್ಚು ಮಾಡಲಾಗುತ್ತಿದೆ; ಆದರೆ ಸ್ಥಳೀಯ ಬಲೂಚ್ ಜನತೆ ಇನ್ನೂ ಬಡತನದಲ್ಲಿ ವಾಸಿಸುತ್ತಿದ್ದಾರೆ. ಚೀನಾದ ಯೋಜನೆ ಕೇವಲ ಪಂಜಾಬ್ ಅಥವಾ ಪಾಕಿಸ್ತಾನದ ಇತರ ಭಾಗಗಳಿಗೆ ಮಾತ್ರ ಲಾಭದಾಯಕವಾಗಿದೆ.

4. ಬಲೂಚಿಸ್ತಾನ್‌ನ ಹೋರಾಟವು ನ್ಯಾಯಯುತ ಮತ್ತು ಅನಿವಾರ್ಯವಾಗಿದೆ. ‘ಆಪರೇಷನ್ ಬಾಮ್’ ಕೇವಲ ಪ್ರಾರಂಭವಾಗಿದೆ. ನಮ್ಮ ‘ಸ್ವಾತಂತ್ರ್ಯ ಮತ್ತು ಆತ್ಮನಿರ್ಭರ ಬಲೂಚಿಸ್ತಾನ್’ ಎಂಬ ದಿಕ್ಕು ಸ್ಪಷ್ಟವಾಗಿದೆ.

ಸಂಬಂಧಿತ ಲೇಖನಗಳು