ಟರ್ಕಿಯಲ್ಲಿ ಅಂತರರಾಷ್ಟ್ರೀಯ ಪರಿಷತ್ತಿನಲ್ಲಿ ರಷ್ಯಾದ ಪ್ರತಿನಿಧಿಗೆ ಉಕ್ರೇನಿನ್ ಪ್ರತಿನಿಧಿಯಿಂದ ಥಳಿತ !

ಉಕ್ರೇನಿನ್ ರಾಷ್ಟ್ರಧ್ವಜ ತೆಗೆದಿದ್ದರಿಂದ ಥಳಿತ !

ಅಂಕಾರಾ (ಟರ್ಕಿ) – ಇಲ್ಲಿ ಆಯೋಜಿಸಿರುವ ‘ಬ್ಲಾಕ್ ಸೀ ಎಕನಾಮಿಕ್ ಕೊಆಪರೇಷನ್’ ನ ಒಂದು ಮಹತ್ವದ ಸಭೆಯಲ್ಲಿ ರಷ್ಯಾ ಮತ್ತು ಉಕ್ರೇನ್ ಇವರ ಪ್ರತಿನಿಧಿಗಳಲ್ಲಿ ಹೊಡೆದಾಟ ನಡೆದಿದೆ. ಉಕ್ರೇನ್ ನ ಪ್ರತಿನಿಧಿಯು ರಷ್ಯಾದ ಪ್ರತಿನಿಧಿ ಗೆ ೫ -೬ ಏಟು ಹೊಡೆದರು.

ಈ ಸಭೆಯಲ್ಲಿ ಉಪಸ್ಥಿತರಿದ್ದ ಸದಸ್ಯರ ಛಾಯಾಚಿತ್ರ ತೆಗೆಯುತ್ತಿರುವಾಗ ಉಕ್ರೇನ್ ಸಂಸದ ಅಲೆಕ್ಸಾಂಡರ್ ಮಾರಿಕೋಸ್ಕಿ ಇವರು ಅವರ ರಾಷ್ಟ್ರಧ್ವಜ ತೆಗೆದು ಕೊಂಡು ನಿಂತಿದ್ದರು. ಆ ಸಮಯದಲ್ಲಿ ರಷ್ಯಾದ ಪ್ರತಿನಿಧಿ ಅನಿರೀಕ್ಷಿತವಾಗಿ ಧ್ವಜ ಕಸಿದುಕೊಂಡು ಕೆಳಗೆ ಎಸೆದರು. ಅದರ ನಂತರ ಅವರು ಹಾಗೆ ಮುಂದೆ ಹೊರಟು ಹೋದರು. ಅವರ ಈ ಕೃತಿಯಿಂದ ಸಂಸದ ಮಾರಿಕೋಸ್ಕಿ ಅಸಮಾಧಾನಗೊಂಡರು. ಅವರು ರಷ್ಯಾದ ಪ್ರತಿನಿಧಿಯ ಬೆಂಬೇತ್ತಿ ಅವರಿಗೆ ಹೊಡೆದರು.