ಉಲ್ಲಾಸನಗರದಲ್ಲಿ ಚೈನೀಸ್ ಆಹಾರದಲ್ಲಿ ಮೃತಹಲ್ಲಿ ಪತ್ತೆ!

ಉಲ್ಲಾಸನಗರ – ಚೈನೀಸ್ ಆಹಾರ ಪದಾರ್ಥಗಳನ್ನು ಮಾರಾಟ ಮಾಡುವ ‘ಮೋರೆ ಚೈನೀಸ್ ಭೇಳ್’ ಅಂಗಡಿಯಿಂದ ತಂದಿದ್ದ ‘ಮಂಚೂರಿಯನ್’ ಸೇವಿಸುವಾಗ ಯುವತಿಯೊಬ್ಬಳಿಗೆ ಅದರಲ್ಲಿ ಮೃತ ಹಲ್ಲಿ ಪತ್ತೆಯಾಗಿದೆ. ಈ ವಿಷಯ ತಿಳಿಯುವ ಮುನ್ನವೇ ಅವಳು ಆ ಆಹಾರವನ್ನು ಸೇವಿಸಿದ್ದರಿಂದ, ತೀವ್ರ ವಾಂತಿ ಮತ್ತು ವಾಕರಿಕೆಯಂತಹ ತೊಂದರೆಗಳು ಕಾಣಿಸಿಕೊಂಡಿವೆ. ಆರೋಗ್ಯ ಹದಗೆಟ್ಟಿದ್ದರಿಂದ ಆಕೆಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಸಂಬಂಧಪಟ್ಟ ಅಂಗಡಿಯ ಮಾಲೀಕನ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಬೇಕೆಂದು ಒತ್ತಾಯ ಕೇಳಿಬರುತ್ತಿದೆ.

ಯುವತಿ ಅಂಗಡಿಯ ಮಾಲೀಕನಿಗೆ ಹಲ್ಲಿಯ ಬಗ್ಗೆ ತಿಳಿಸಿದಾಗ ಅವನು, ‘‘ಈ ಆಹಾರವನ್ನು ನಾನು ತಪಾಸಣೆಗೆ ಕಳುಹಿಸುತ್ತೇನೆ; ಆದರೆ ಈ ವಿಷಯವನ್ನು ಯಾರಿಗೂ ಹೇಳಬೇಡ,’’ಎಂದು ದುರ್ವರ್ತನೆ ತೋರಿದ್ದಾನೆ.