ಇಂದಿನಿಂದ ಕರ್ಣಾವತಿ (ಗುಜರಾತ್)ಯಲ್ಲಿ ಮೊದಲ ವಿಶ್ವ ಯೋಗಾಸನ ಸ್ಪರ್ಧೆ !

ಕರ್ಣಾವತಿ (ಗುಜರಾತ್) – ಇಲ್ಲಿ ಜೂನ್ 4 ರಿಂದ ಮೊದಲ ‘ಜಾಗತಿಕ ಯೋಗಾಸನ ಸ್ಪರ್ಧೆ’ (ಚಾಂಪಿಯನ್ ಶಿಪ್) ಆರಂಭವಾಗಲಿದೆ. ಈ ಸ್ಪರ್ಧೆಯಲ್ಲಿ 40 ಕ್ಕೂ ಹೆಚ್ಚು ದೇಶಗಳ ಕ್ರೀಡಾಪಟುಗಳು ಭಾಗವಹಿಸಲಿದ್ದಾರೆ. ಅಮೆರಿಕದ ಯೋಗಾಸನ ತಂಡವೂ ಸಹ ಈ ಸ್ಪರ್ಧೆಯಲ್ಲಿ ಭಾಗವಹಿಸಲು ಭಾರತಕ್ಕೆ ಬರಲಿದೆ. ಈ ಸ್ಪರ್ಧೆಯನ್ನು ಯುವ ವ್ಯವಹಾರ ಹಾಗೂ ಕ್ರೀಡಾ ಸಚಿವಾಲಯ, ಆಯುಷ್ ಸಚಿವಾಲಯ ಮತ್ತು ಯೋಗಾಸನ ಸಂಸ್ಥೆಯು ಜಂಟಿಯಾಗಿ ಆಯೋಜಿಸಿವೆ.

ಒಲಿಂಪಿಕ್ಸ್ ನಲ್ಲಿ ಯೋಗಾಸನವನ್ನು ಕ್ರೀಡೆಯಾಗಿ ಸೇರಿಸುವ ಗುರಿ !

2036 ರಲ್ಲಿ ನಡೆಯಲಿರುವ ಒಲಿಂಪಿಕ್ಸ್ ನಲ್ಲಿ ಯೋಗಾಸನವನ್ನು ಒಂದು ಕ್ರೀಡೆಯಾಗಿ ಸೇರಿಸುವುದು ಭಾರತದ ಪ್ರಮುಖ ಗುರಿಯಾಗಿದೆ. ಕ್ರೀಡೆಯ ರೂಪದಲ್ಲಿ ಯೋಗಾಸನಕ್ಕೆ ವ್ಯಾಪಕ ಅಂತರರಾಷ್ಟ್ರೀಯ ಮನ್ನಣೆಯನ್ನು ತಂದುಕೊಡುವ ಭಾರತದ ಈ ಅಭಿಯಾನದಲ್ಲಿ ಇದು ಒಂದು ಪ್ರಮುಖ ಹೆಜ್ಜೆಯಾಗಿದೆ. ಮೇ 27 ರಂದು ಕೇಂದ್ರ ಕ್ರೀಡಾಸಚಿವ ಮನಸುಖ್ ಮಾಂಡವೀಯ ಅವರು 2030 ರಲ್ಲಿ ನಡೆಯಲಿರುವ ‘ಕಾಮನ್ ವೆಲ್ತ್ ಗೇಮ್ಸ್’ನಲ್ಲಿ ಯೋಗಾಸನವನ್ನು ಸೇರಿಸುವುದಾಗಿ ಘೋಷಿಸಿದ್ದರು.