ಬಲೂಚಿಸ್ತಾನ: ಆತ್ಮಾಹುತಿ ದಾಳಿಯಲ್ಲಿ ೩೦ ಜನರ ಸಾವು, ೮೨ ಜನರಿಗೆ ಗಾಯ

​ಕ್ವೆಟ್ಟಾ (ಬಲೂಚಿಸ್ತಾನ) – ನಗರದ ರೈಲ್ವೆ ಹಳಿಯ ಬಳಿ ಮೇ ೨೪ ರಂದು ಆತ್ಮಾಹುತಿ ದಾಳಿ ನಡೆದಿದೆ. ‘ಜಾಫರ್ ಎಕ್ಸ್‌ಪ್ರೆಸ್’ ರೈಲು ಹಾದು ಹೋಗುವಾಗ ಈ ದಾಳಿ ನಡೆದಿದ್ದು, ೩೦ ಜನರು ಸಾವನ್ನಪ್ಪಿದ್ದಾರೆ ಮತ್ತು ೮೨ ಜನರು ಗಾಯಗೊಂಡಿದ್ದಾರೆ ಎಂಬ ಮಾಹಿತಿ ಬೆಳಕಿಗೆ ಬಂದಿದೆ. ಇಲ್ಲಿನ ಚಮನ್ ಗೇಟ್ ಹತ್ತಿರ ಈ ಸ್ಫೋಟ ಸಂಭವಿಸಿದೆ.

​ಸ್ಫೋಟವು ಎಷ್ಟು ಭೀಕರವಾಗಿತ್ತೆಂದರೆ, ರೈಲು ಗಾಡಿಯ ಹಲವಾರು ಬೋಗಿಗಳು ಹಳಿ ತಪ್ಪಿವೆ. ಸ್ಫೋಟದ ತೀವ್ರತೆಗೆ ಆಸುಪಾಸಿನ ಕಟ್ಟಡಗಳ ಕಿಟಕಿಗಳ ಗಾಜುಗಳೂ ಸಹ ಪುಡಿಯಾಗಿವೆ ಎಂದು ಪೊಲೀಸರು ತಿಳಿಸಿದ್ದಾರೆ. ಭದ್ರತಾ ಸಂಸ್ಥೆಗಳು ಇಡೀ ಪ್ರದೇಶವನ್ನು ಸುತ್ತುವರಿದಿದ್ದು, ಮುಂದಿನ ತನಿಖೆ ಮಾಡಲಾಗುತ್ತಿದೆ.