ಸನಾತನ ಪ್ರಭಾತ > Post Type > ವಾರ್ತೆಗಳು > ರಾಷ್ಟ್ರೀಯ > ಅಸ್ಸಾಂ: ವಾಯುಪಡೆಯ ಸುಖೋಯ್ ಯುದ್ಧ ವಿಮಾನ ಪತನ : ೨ ಪೈಲಟ್‌ಗಳ ಸಾವು

ಅಸ್ಸಾಂ: ವಾಯುಪಡೆಯ ಸುಖೋಯ್ ಯುದ್ಧ ವಿಮಾನ ಪತನ : ೨ ಪೈಲಟ್‌ಗಳ ಸಾವು

​ಗೌಹಾಟಿ (ಅಸ್ಸಾಂ) – ಭಾರತದ ‘ಸುಖೋಯ್-೩೦ ಎಮ್‌ಕೆಐ’ ಯುದ್ಧ ವಿಮಾನವು ಅಸ್ಸಾಂನ ಕರ್ಬಿ ಆಂಗ್ಲಾಂಗ್ ಜಿಲ್ಲೆಯಲ್ಲಿ ಪತನಗೊಂಡಿದೆ. ಈ ದುರ್ಘಟನೆಯಲ್ಲಿ ಇಬ್ಬರು ಪೈಲಟ್‌ ಸಾವನ್ನಪ್ಪಿದ್ದಾರೆ. ಸ್ಕ್ವಾಡ್ರನ್ ಲೆಫ್ಟಿನೆಂಟ್ ಅನುಜ್ ಮತ್ತು ಫ್ಲೈಟ್ ಲೆಫ್ಟಿನೆಂಟ್ ಪೂರ್ವೆಶ್ ದುರ್ಗಕರ್ ಮೃತರ ಹೆಸರುಗಳಾಗಿವೆ.

ಭಾರತೀಯ ವಾಯುಪಡೆಯು ಹೇಳಿರುವಂತೆ, ‘ಸುಖೋಯ್-೩೦ ಎಮ್‌ಕೆಐ’ ಯುದ್ಧ ವಿಮಾನವು ತರಬೇತಿ ಕಾರ್ಯಾಚರಣೆಗಾಗಿ ಹಾರಾಟ ನಡೆಸುತ್ತಿತ್ತು; ಆದರೆ ಉಡಾವಣೆಗೊಂಡ ಕೆಲವೇ ಸಮಯದಲ್ಲಿ ಹಠಾತ್ತಾಗಿ ರೇಡಾರ್‌ ಸಂಪರ್ಕ ಕಡಿತಗೊಂಡಿತು. ಆ ನಂತರ ಈ ವಿಮಾನವು ಅಸ್ಸಾಂನ ಜೋರ್ಹತ್‌ನಿಂದ ಸುಮಾರು ೬೦ ಕಿ.ಮೀ. ದೂರದಲ್ಲಿರುವ ಕರ್ಬಿ ಆಂಗ್ಲಾಂಗ್ ಜಿಲ್ಲೆಯಲ್ಲಿ ಪತನಗೊಂಡಿದೆ. ನಿಖರವಾಗಿ ಯಾವ ಕಾರಣದಿಂದಾಗಿ ಈ ವಿಮಾನದ ಸಂಪರ್ಕ ಕಡಿತಗೊಂಡಿತು? ಈ ವಿಮಾನವು ಯಾವ ಕಾರಣದಿಂದಾಗಿ ಪತನಗೊಂಡಿದೆ ? ಎಂಬುದರ ಬಗ್ಗೆ ತನಿಖೆ ನಡೆಸಲಾಗುವುದು ಎಂದು ವಾಯುಪಡೆ ಹೇಳಿದೆ.

​ಜೂನ್ ೨೦೨೪ ರಲ್ಲಿ ಮಹಾರಾಷ್ಟ್ರದ ನಾಸಿಕ್ ಜಿಲ್ಲೆಯ ನಿಫಾಡ್‌ನ ಶಿರಸಗಾಂವ್ ಗ್ರಾಮದ ಬಳಿ ‘ಸುಖೋಯ್-೩೦ ಎಮ್‌ಕೆಐ’ ವಿಮಾನವು ಪತನಗೊಂಡಿತ್ತು; ಆದರೆ ಪೈಲಟ್ ಮತ್ತು ಸಹ-ಪೈಲಟ್ ಸುರಕ್ಷಿತವಾಗಿ ಹೊರಬರುವಲ್ಲಿ ಯಶಸ್ವಿಯಾಗಿದ್ದರು.

ಸಂಪಾದಕೀಯ ನಿಲುವು

ಶಾಂತಿಕಾಲದಲ್ಲಿ ಯುದ್ಧ ವಿಮಾನಗಳು ಪತನಗೊಳ್ಳುವ ವಿಶ್ವದ ಏಕೈಕ ದೇಶ ಭಾರತ!

ಸಂಬಂಧಿತ ಲೇಖನಗಳು