ಚೀನಾ ಹಾಗೂ ಪಾಕಿಸ್ತಾನ ಜೈವಿಕ ಅಸ್ತ್ರ ಅಭಿವೃದ್ಧಿ ಪಡಿಸುತ್ತಿದೆ ! – ಆಸ್ಟ್ರೇಲಿಯಾದ ಜಾಲತಾಣದ ಮಾಹಿತಿ

ಕಾನಬೆರಾ (ಆಸ್ಟ್ರೇಲಿಯಾ) – ‘ಚೀನಾ-ಪಾಕಿಸ್ತಾನ ಎಕಾನಾಮಿಕ್ ಕಾರಿಡಾರ್’ (ಸಿಪಿಇಸಿ- ಚೀನಾ-ಪಾಕಿಸ್ತಾನ ಆರ್ಥಿಕ ಹೆದ್ದಾರಿ) ಇವರಿಂದ ಚೀನಾ ಹಾಗೂ ಪಾಕಿಸ್ತಾನ ಜೈವಿಕ ಅಸ್ತ್ರಗಳನ್ನು ಅಭಿವೃದ್ಧಿ ಪಡಿಸುತ್ತಿದೆ. ಕಳೆದ ೫ ವರ್ಷಗಳಿಂದ ಇದರ ಮೇಲೆ ಕೆಲಸ ನಡೆಯುತ್ತಿದೆ, ಎಂದು ಆಸ್ಟ್ರೇಲಿಯಾದ ಜಾಲತಾಣ ‘ಕ್ಲಾಕ್ಸೋನ್’ ಹೇಳಿದೆ. ವಿಶೇಷವೆಂದರೆ ಯಾವ ಪ್ರಯೋಗಾಲಯದ ಮೇಲೆ ಕೊರೋನಾವನ್ನು ನಿರ್ಮಿಸಿರುವ ಆರೋಪ ಇದೆಯೋ, ಆ ವುಹಾನ್‌ನಲ್ಲಿಯ ‘ಇನ್‌ಸ್ಟಿಟ್ಯೂಟ್ ಆಫ್ ವೈರಾಲಾಜಿ’ಗೆ ಇದರ ಜವಾಬ್ದಾರಿಯನ್ನು ನೀಡಿದೆ, ಎಂದೂ ಅದರಲ್ಲಿ ಹೇಳಿದೆ.

೧. ಈ ಜಾಲತಾಣದಲ್ಲಿಯ ಆಂಟನಿ ಕ್ಲಾನ್ ಇವರ ವರದಿಗನುಸಾರ ವುಹಾನಿನ ವಿಜ್ಞಾನಿಗಳು ಪಾಕಿಸ್ತಾನದಲ್ಲಿ ೨೦೧೫ ರಿಂದ ಜೈವಿಕ ಅಸ್ತ್ರವನ್ನು ಅಭಿವೃದ್ಧಿ ಪಡಿಸುವುದರ ಬಗ್ಗೆ ಸಂಶೋಧನೆ ನಡೆಸುತ್ತಿದೆ.

೨. ‘ಕ್ಲಾಕ್ಸೋನ್’ ಜಾಲತಾಣವು, ಕಳೆದ ತಿಂಗಳು ಚೀನಾ ಹಾಗೂ ಪಾಕಿಸ್ತಾನ ಜೈವಿಕ ಅಸ್ತ್ರಗಳ ಕ್ಷಮತೆಯನ್ನು ಹೆಚ್ಚಿಸಲು ೩ ವರ್ಷಗಳ ಇನ್ನೊಂದು ಗೌಪ್ಯ ಒಪ್ಪಂದವನ್ನು ಮಾಡಿಕೊಂಡಿದೆ. ಎರಡೂ ದೇಶಗಳ ವೈಜ್ಞಾನಿಕರು ಮಾಡಿದ ಸಂಶೋಧನೆ ನಿಯತಕಾಲಿಕೆಯಲ್ಲಿ ಮುದ್ರಣವಾಗಿದೆ.

೩. ಈ ಸಂಶೋಧನೆ ಡಿಸೆಂಬರ್ ೨೦೧೭ ರಿಂದ ಮಾರ್ಚ್ ೨೦೨೦ ತನಕ ಮಾಡಿದೆ. ಪ್ರಾಣಿಗಳಿಂದ ಮನುಷ್ಯರಿಗೆ ಸೋಂಕು ತಗಲುವ ರೋಗಾಣುಗಳ ಪತ್ತೆ ಹಾಗೂ ಲಕ್ಷಣಗಳ ಮೇಲೆ ಈ ಸಂಶೋಧನೆ ಆಧರಿಸಿದೆ.

೪. ಈ ಸಂಶೋಧನೆಯಲ್ಲಿ ನೀಲ್ ವೈರಸ್, ಮಾರ್ಸ್-ಕೊರೋನಾ, ಕ್ರಿಮಿಯಾ-ಕಾಗ್ನೊ ಹೆಮೊರಾಜಿಕ ಫಿವರ ವೈರಸ್, ಥ್ರೊಮ್ಬೊಸೈಟೊಪೆನಿಯಾ ಸಿಂಡ್ರೋಮ್ ವೈರಸ್ ಹಾಗೂ ಚಿಕನಗುನಿಯಾಗಳ ಮೇಲೆ ಪ್ರಯೋಗ ಮಾಡಲಾಗಿದೆ. ಅದಕ್ಕಾಗಿ ಸಾವಿರಾರು ಪಾಕಿಸ್ತಾನಿ ಪುರುಷರು, ಸ್ತ್ರೀಯರು ಹಾಗೂ ಸಣ್ಣ ಮಕ್ಕಳ ರಕ್ತಗಳ ಮಾದರಿಗಳನ್ನು ತೆಗೆದುಕೊಳ್ಳಲಾಗಿದೆ. ಸದ್ಯ ಈ ರೋಗಾಣುವಿನಿಂದ ಪಾರಾಗಲು ಯಾವುದೇ ರಾಮಬಾಣ ಔಷಧಿ ಇಲ್ಲ. ಈ ರೋಗಾಣುಗಳ ಪೈಕಿ ಜಗತ್ತಿನ ಮಾರಕ ಹಾಗೂ ಸಾಂಕ್ರಾಮಿಕ ರೋಗಾಣುಗಳು ಇವೆ.