ಆಸ್ಸಾಂನಲ್ಲಿ ಬಹುಪತ್ನಿತ್ವದ ಮೇಲೆ ನಿರ್ಬಂಧ ಹೇರುವ ಸಿದ್ಧತೆಯಲ್ಲಿರುವ ಮುಖ್ಯಮಂತ್ರಿ ಸರಮಾ !

ಪ್ರಸ್ತಾಪಿತ ಕಾನೂನುಗಳ ಸಂದರ್ಭದಲ್ಲಿ ಸೂಚನೆಗಳನ್ನು ಹೊರಡಿಸಲಾಗಿದೆ !

ಗೌಹಾಟಿ (ಆಸ್ಸಾಂ) – ಆಸ್ಸಾಂನಲ್ಲಿ ಒಂದಕ್ಕಿಂತ ಹೆಚ್ಚಿನ ವಿವಾಹಗಳ ಮೇಲೆ ನಿರ್ಬಂಧ ಹೇರುವ ಕಾನೂನು ತರಲು ಆಸ್ಸಾಂನ ಮುಖ್ಯಮಂತ್ರಿ ಹಿಮಂತಾ ಬಿಸ್ವ ಸರಮಾರವರು ಸಿದ್ಧತೆ ನಡೆಸಿದ್ದಾರೆ. ಈ ದೃಷ್ಟಿಯಿಂದ ಜನತೆಯಿಂದ ಈ ಪ್ರಸ್ತಾಪಿತ ಕಾನೂನಿಗೆ ಸಂಬಂಧಿಸಿದಂತೆ ಸಲಹೆಗಳನ್ನು ಸ್ವಾಗತಿಸಲಾಗಿದೆ. ಈ ಪ್ರಸ್ತಾಪಿತ ಕಾನೂನಿಗಾಗಿ ರಾಜ್ಯಸರಕಾರವು ವಿಶೇಷ ಸಮಿತಿಯನ್ನೂ ಸ್ಥಾಪಿಸಿತ್ತು. ಸಮಿತಿಯು ಆಗಸ್ಟ್ ೬ ರಂದು ಮುಖ್ಯಮಂತ್ರಿಗಳಿಗೆ ಇದಕ್ಕೆ ಸಂಬಂಧಿಸಿದ ವರದಿಯನ್ನೂ ಸಾದರಪಡಿಸಿತ್ತು. ಅನಂತರ ಈ ಆರ್ಥಿಕ ವರ್ಷದಲ್ಲಿ ಈ ಬಗ್ಗೆ ಕಾನೂನನ್ನು ರಚಿಸುವುದಾಗಿ ಸರಮಾ ರವರು ಘೋಷಿಸಿದ್ದಾರೆ.

(ಸೌಜನ್ಯ – Republic World)

೧. ಇದಕ್ಕೆ ಸಂಬಂಧಿಸಿದಂತೆ ಗೃಹ ಮತ್ತು ರಾಜಕೀಯ ವಿಭಾಗದ ಪ್ರಧಾನ ಕಾರ್ಯದರ್ಶಿಗಳು ನೋಟಿಸ್‌ ಜ್ಯಾರಿ ಮಾಡಿದ್ದಾರೆ. ಅದಕ್ಕನುಸಾರ ‘ರಾಜ್ಯ ಸಂಸತ್ತು ಬಹುಪತ್ನಿತ್ವದ ಮೇಲಿನ ನಿರ್ಬಂಧವನ್ನು ಜಾರಿಗೊಳಿಸುವ ಕಾನೂನು ರಚಿಸಲು ಸಕ್ಷಮವಿದೆ. ಇತರ ರಾಜ್ಯಗಳೂ ಇದಕ್ಕೆ ಸಂಬಂಧಿಸಿದಂತೆ ಕಾನೂನು ರಚಿಸಬಹುದು’, ಎಂದು ಹೇಳಲಾಗಿದೆ.

೨. ಈ ಹಿಂದೆ ಜನವರಿ ೨೩, ೨೦೨೩ ರಂದು ಆಸ್ಸಾಂ ಸರಕಾರವು ೧೪ ವರ್ಷಗಳಿಗಿಂತ ಕಡಿಮೆ ವಯಸ್ಸಿನ ಹುಡುಗಿಯರನ್ನು ವಿವಾಹವಾಗುವ ಪುರುಷರ ಮೇಲೆ ‘ಪೋಕ್ಸೋ’ದ ಅಂತರ್ಗತ ಕಾರ್ಯಾಚರಣೆ ಮಾಡುವ ನಿರ್ಣಯವನ್ನು ತೆಗೆದುಕೊಂಡಿತ್ತು. ಮುಖ್ಯಮಂತ್ರಿಗಳ ಈ ನಿರ್ಣಯದ ನಂತರ ಆಸ್ಸಾಂ ಪೊಲೀಸರು ಕೇವಲ ಒಂದು ತಿಂಗಳಿನಲ್ಲಿ ರಾಜ್ಯದಾದ್ಯಂತ ೩ ಸಾವಿರಕ್ಕಿಂತ ಹೆಚ್ಚು ಜನರನ್ನು ಬಂಧಿಸಿದ್ದರು. ಇವರಲ್ಲಿ ಹೆಚ್ಚಿನವರು ಅಪ್ರಾಪ್ತ ವಯಸ್ಸಿನ ವಧುಗಳ ಪತಿ ಹಾಗೂ ಅವರದ್ದೇ ಕುಟುಂಬದಲ್ಲಿನ ಪುರುಷ ಸದಸ್ಯರಾಗಿದ್ದರು.

೩. ಫೆಬ್ರವರಿ ೨೦೨೩ ರಲ್ಲಿ ಸರಮಾ ರವರು, ಆಸ್ಸಾಂನಲ್ಲಿ ಬಾಲ್ಯವಿವಾಹ ನಿಲ್ಲಬೇಕು. ಬಾಲ್ಯವಿವಾಹದ ವಿರುದ್ಧ ಹೊಸ ಕಾನೂನನ್ನು ೨೦೨೬ ರವರೆಗೆ ರಚಿಸುವ ಬಗ್ಗೆ ವಿಚಾರ ಮಾಡುತ್ತಿದ್ದೇವೆ. ಇದರಲ್ಲಿ ಜೈಲು ಶಿಕ್ಷೆಯನ್ನು ೨ ವರ್ಷಗಳಿಂದ ೨೦ ವರ್ಷಗಳವರೆಗೆ ಹೆಚ್ಚಿಸಲಾಗುವುದು, ಎಂದು ಹೇಳಿದ್ದರು.