‘लव्ह जिहाद’ प्रकरणातील मुख्य सहआरोपी युसुफ चौघुले याचा जामीन रहित !

पुणे – घारगाव-आंबी-खालसा येथील अल्पवयीन मुलीला फूस लावून पळवून नेल्याचा, धर्मांतर घडवून आणल्याचा, तसेच अत्याचार केल्याचा गंभीर आरोप असलेल्या ‘लव्ह जिहाद’ प्रकरणातील मुख्य सहआरोपी युसुफ चौघुले याचा जामीन जिल्हा आणि सत्र न्यायालयाने रहित केला. या प्रकरणी युसुफ याला सर्वाेच्च न्यायालयाने सशर्त जामीन संमत केला होता; मात्र यानंतर त्याला मध्यप्रदेशमध्ये ६ गावठी कट्टे आणि ४ जिवंत काडतुसे यांसह अटक करण्यात आली. त्यामुळे त्याच्यावर पुन्हा गंभीर स्वरूपाचे गुन्हे नोंद करण्यात आले होते. सदरची गोष्ट सरकारी अधिवक्त्यांनी प्रभावीपणे न्यायालयात मांडली. त्यामुळे त्याचा जामीन न्यायालयाने रहित केला.

या निर्णयामुळे संबंधित घटनेविषयी न्याय मिळत असल्याची भावना नागरिकांमध्ये व्यक्त होत आहे. या खटल्याकडे विश्व हिंदु परिषद आणि बजरंग दल यांनी विशेष लक्ष घातले आहे. भविष्यात अशा घटना होणार नाहीत, यांसाठी शाळा-महाविद्यालयांमध्ये युवतींमध्ये जनजागृती करण्यात येणार आहे.

– विशाल वाघचौरे, जिल्हामंत्री, विश्व हिंदु परिषद