‘टोकन दर्शन’ संख्येत वाढ करण्याचा निर्णय !

पंढरपूर – आषाढी वारीच्या पार्श्वभूमीवर ‘श्री विठ्ठल-रुक्मिणी मंदिरे समिती’ने भाविकांच्या मागणीनुसार आणि सद्यःस्थितीचा विचार करून टोकन आधारित दर्शन संख्येत वाढ करण्याचा निर्णय घेतला आहे. त्यामुळे प्रत्येक घंट्याला दिल्या जाणार्‍या टोकन संख्येत १०० ने वाढ करतांना भाविकांना अधिक सुलभतेने आणि अल्प वेळेत दर्शन घेता यावे, हा हेतू आहे. ६ स्लॉटमध्ये प्रत्येकी १०० टोकन, अशा एकूण ६०० टोकन पासांची वाढ करण्यात येणार आहे. २१ ते २६ जूनपर्यंत दर्शनासाठी वेळ, सुरक्षा आणि भाविकांच्या सोयीचा विचार करून ही सुधारणा करण्यात येत आहे, अशी माहिती कार्यकारी अधिकारी राजेंद्र शेळके यांनी दिली.