अशरफ बेबलसह अन्य समाजकंटकांच्या विरोधात कायदेशीर कारवाई करण्यासाठी पोलिसांना पत्र द्या !

हिंदु महिलेला झालेल्या मारहाणीबद्दल खेर्डी (चिपळूण) ग्रामपंचायतीकडे संतप्त हिंदुत्वनिष्ठांची निवेदनाद्वारे मागणी

चिपळूण, १८ जून (वार्ता.) – तालुक्यातील एक प्रतिष्ठेची म्हणून ओळखल्या जाणार्‍या खेर्डी ग्रामपंचायत क्षेत्रात रहाणारा अशरफ मोहम्मद बेबल या इसमाने एका हिंदु महिलेला शिवीगाळ करून जिवे मारण्याची धमकी देत केलेल्या मारहाणीच्या घटनेमुळे चिपळूण येथील समस्त हिंदुत्वनिष्ठ संघटनांच्या प्रतिनिधींमध्ये संतापाची भावना निर्माण झाली आहे.

चिपळूण आणि खेड तालुक्यांत गोतस्करीच्या घटनांमध्ये याच भागातील समाजकंटकांवर गुन्हे नोंद झालेले आहेत. मधल्या काळात बांगलादेशी घुसखोरही याच भागात सापडले आहेत. त्यांना रहिवासी दाखले दिल्याचे उघड झाले आहे.

खेर्डी ग्रामपंचायत जिल्ह्यातील एक प्रतिष्ठेची असल्याने तिच्या नावलौकिकाला गालबोट या समाजकंटकांमुळे लागत आहे. एक स्वायत्त संस्था म्हणून ग्रामपंचायत कार्यालयाकडून पोलीसयंत्रणेलाही संबंधितांवर कायदेशीर कारवाई करण्याचे पत्र देण्यात यावे, असे चिपळूण येथील समस्त हिंदुत्वनिष्ठ संघटनांच्या वतीने आज निवेदन देतांना सांगण्यात आले.

ग्रामपंचायतीच्या विद्यमान सरपंच सौ. सुगंधा सुभाष माळी आणि उपसरपंच शुभम जयंद्रथ खताते यांनी हे निवेदन स्वीकारले. तसेच या गंभीर घटना असून पोलीसयंत्रणेला याविषयीही पत्रही देण्यात येईल, असे आश्वासन त्यांनी दिले.

‘ग्रामपंचायत मासिक सभेत याविषयी आम्ही निश्चित चर्चा करणार आहोत’, असे उपसरपंच शुभम खताते यांनी सांगितले.
हे निवेदन देण्यासाठी शिवप्रतिष्ठान हिंदुस्थानचे अजिंक्य ओतारी, रमेश टोणे, शिवसेनेचे गुहागर विधानसभा निरीक्षक अनुराग उतेकर, प्रशांत उतेकर, युवासेनेचे तालुका उपाध्यक्ष आदित्य जोशी, गोरक्षक विक्रम जोशी, पेढांबे येथील हिंदुत्वनिष्ठ जयवंत शिंदे, हिंदु जनजागृती समितीचे हेमंत चाळके, शशिकांत मोरे आदी उपस्थित होते.