इंडिगो विमानात बाँबचा संदेश : नागपूर विमानतळावर आपत्कालीन स्थितीत उतरवले !

विमानात धोकादायक वस्तू आढळली नाही

नागपूर – कोचीहून देहलीकडे जाणार्‍या इंडिगोच्या विमानात बाँब ठेवल्याची सूचना मिळाली. त्यानंतर हे विमान येथील डॉ. बाबासाहेब आंबेडकर आंतरराष्ट्रीय विमानतळावर आपत्कालीन स्थितीत उतरवण्यात आले. नागपूर पोलीस आणि अग्नीशमन दल यांच्याकडून विमानाची पडताळणी करण्यात आली. या प्रकारामुळे विमानतळावर एकच गोंधळ उडाला. प्रत्यक्ष पहाणीअंती विमानात कोणतीही धोकादायक वस्तू आढळली नाही. हे विमान सकाळी ९.२० वाजता कोचीहून निघाले होते आणि दुपारी १२.३५ वाजता देहलीत उतरणार होते.