बँकॉकहून पुण्यात अमली पदार्थांची तस्करी करणार्‍या तिघांना अटक !

१०.३ कोटींचा ‘हायड्रोपोनिक’ गांजा जप्त !

पुणे – ‘डायरेक्टरेट ऑफ कस्टम डिपार्टमेंट’च्या (‘डी.आर्.आय.’च्या) पुणे, मुंबई शाखेतील अधिकार्‍यांना बँकॉकवरून पुणे विमानतळावर येणार्‍या विमानातील २ प्रवाशांकडे संशयित सामान आहे, अशी माहिती मिळाली. त्यानुसार १२ मे या दिवशी बँकॉकहून पुणे  येथे आलेल्या विमानातील प्रवाशांच्या सामानाचे सखोल अन्वेषण केले असता २ प्रवाशांच्या सामानात ११ हवाबंद पाऊच मिळाले. त्याचे अन्वेषण केल्यावर त्यामध्ये १०.३ कोटी रुपये किमतीचे बाजारमूल्य असलेले १०.३ किलो हायड्रोपोनिक गेंड हा उच्च नशा क्षमता असलेला गांज्यासारखा अमली पदार्थ असल्याचे निष्पन्न झाले आहे. या प्रकरणी ‘डी.आर्.आय.’ने २ प्रवासी, तसेच मुंबईतील १ वितरक अशा एकूण ३ जणांना अटक केली आहे.