सच्चिदानंद परब्रह्म डॉ. आठवले यांच्या सूक्ष्मातील कार्याची साक्षीदार असलेली त्यांची चैतन्यमय खोली !

‘सच्चिदानंद परब्रह्म डॉ. आठवले (गुरुदेव) हे रामनाथी (गोवा) येथील सनातनच्या आश्रमात वास्तव्य करतात. या खोलीने गुरुदेवांमधील दिव्य चैतन्य अनुभवले आहे. गुरुदेवांवर मोठ्या वाईट शक्तींनी सूक्ष्मातून केलेली जीवघेणी आक्रमणेही तिने अनुभवली आहेत. गुरुदेवांची खोली, भिंती, लादी इत्यादींची विविध प्रसंगी, उदा. त्रासदायक किंवा चांगले पालट होणे, वैशिष्ट्यपूर्ण आध्यात्मिक घटना घडणे इत्यादी वेळी छायाचित्रे काढण्यात आली आहेत. यांतील काही निवडक छायाचित्रांच्या लोलकाने चाचण्या करण्यात आल्या. लोलकाने वस्तू, वास्तू अन् व्यक्ती यांच्यातील सकारात्मक आणि नकारात्मक ऊर्जा मोजता येतात. या लेखातून आपण गुरुदेवांच्या खोलीने अनुभवलेला देवासुर लढा, तसेच गुरुदेवांच्या खोलीत झालेले त्रासदायक आणि चांगले पालट इत्यादींच्या संदर्भातील संशोधन पाहूया.

१. सच्चिदानंद परब्रह्म डॉक्टरांच्या खोलीने अनुभवलेला देवासुर लढा

गुरुदेवांच्या खोलीत वर्ष २०१३ ते २०२१ या कालावधीत विविध प्रकारचे त्रासदायक आणि चांगले पालट अनुभवास आले. विशेष म्हणजे सूक्ष्मातील वाईट शक्तींनी केलेल्या आक्रमणांचे पडसाद गुरुदेवांच्या खोलीत स्थुलातूनही स्पष्टपणे दिसून येतात, उदा. खोलीतील भिंती आणि लादी यांवर आपोआप डाग पडणे, भिंतीला पापुद्रे सुटणे, भिंतीवर वाईट शक्तींचे चेहरे अन् आकृत्या उमटणे, लादीवर तेलकट डाग पडणे, लादीवर पायांचे पंजे उमटणे इत्यादी. या देवासुर लढ्यात ईश्वर विविध माध्यमांतून गुरुदेवांचे रक्षण करत आहे. गुरुदेवांमधील वाढत्या चैतन्याचा सकारात्मक परिणाम त्यांच्या खोलीवर दिसून येत आहे. गुरुदेवांनी त्यांच्यातील संशोधकवृत्तीमुळे वेळोवेळी त्रासदायक आणि चांगल्या पालटांची छायाचित्रे संशोधनासाठी काढून ठेवण्याविषयी साधकांना मार्गदर्शन केले. या छायाचित्रांतील काही निवडक छायाचित्रांच्या लोलकाने केलेल्या चाचण्यांतील नोंदींचे विवेचन पुढे दिले आहे.

१ अ. सच्चिदानंद परब्रह्म डॉ. आठवले यांच्या खोलीतील त्रासदायक पालटांच्या छायाचित्रांतून नकारात्मक स्पंदने प्रक्षेपित होणे : या छायाचित्रांमध्ये सकारात्मक ऊर्जा काहीच नसून पुष्कळ प्रमाणात नकारात्मक ऊर्जा आढळून आली. हे पुढे दिलेल्या नोंदींवरून लक्षात येते.

टीप १ – या छायाचित्रातील पांढर्‍या डागाला स्वतःचा प्रकाश आहे. त्यामुळे खोलीतील प्रकाश कमी केला, तरी तो डाग अधिक स्पष्ट आणि प्रकाशमान दिसतो.

टीप २ – या छायाचित्राचे वैशिष्ट्य म्हणजे यातील वाईट शक्तींचे डोळे आणि चेहरा हलतांना जाणवतात.

१ अ १. सच्चिदानंद परब्रह्म डॉ. आठवले यांच्या खोलीतील त्रासदायक पालटांच्या छायाचित्रांतून नकारात्मक स्पंदने प्रक्षेपित होण्याचे कारण : मोठया वाईट शक्ती सूक्ष्मातून गुरुदेवांवर त्रासदायक शक्ती प्रक्षेपित करून त्यांच्या दैवी कार्यात अडथळे निर्माण करण्याचा प्रयत्न करतात. गुरुदेवांच्या समष्टी कार्याला (म्हणजे हिंदु राष्ट्राची स्थापना करण्याच्या महान समष्टी कार्याला) खिळ बसावी, म्हणून वाईट शक्ती नवनवीन क्लृप्त्या लढवून त्यांच्याशी सूक्ष्म युद्ध करतात; पण गुरुदेवांमधील चैतन्यापुढे त्या हतबल होतात. गुरुदेवांकडून प्रक्षेपित होणार्‍या चैतन्यामुळे वाईट शक्तींना त्यांचे ध्येय (मोठ्या वाईट शक्तींचे ध्येय ‘पृथ्वीवर आसुरी राज्य निर्माण करणे’, हे आहे.) साध्य करता येत नाही. त्यामुळे त्या त्वेषाने गुरुदेवांमधील चैतन्याशी लढत असतात. गुरुदेवांची खोली म्हणजे जणू या सूक्ष्मातील युद्धाची रणभूमीच बनली आहे.

खोलीतील त्रासदायक पालटांची छायाचित्रे

खोलीतील चांगल्या पालटाचे छायाचित्र

१ आ. सच्चिदानंद परब्रह्म डॉ. आठवले यांच्या खोलीतील चांगल्या पालटांच्या छायाचित्रांतून पुष्कळ प्रमाणात सकारात्मक स्पंदने प्रक्षेपित होणे : या छायाचित्रांमध्ये नकारात्मक ऊर्जा काही नसून पुष्कळ प्रमाणात सकारात्मक ऊर्जा आढळून आली. हे पुढे दिलेल्या नोंदींवरून लक्षात येते.

टीप ३ – या छायाचित्रातील आरशात खोलीतील देवघराचे प्रतिबिंब दिसत आहे.

१ आ १. सच्चिदानंद परब्रह्म डॉ. आठवले यांच्या खोलीतील चांगल्या पालटांच्या छायाचित्रांतून पुष्कळ प्रमाणात सकारात्मक स्पंदने प्रक्षेपित होण्याचे कारण : एकीकडे सूक्ष्मातील युद्धामुळे गुरुदेवांच्या खोलीत त्रासदायक पालट अनुभवास येतात, तर दुसरीकडे गुरुदेवांमधील वाढत्या चैतन्यामुळे, तसेच वेळोवेळी ईश्वर गुरुदेवांना करत असलेल्या साहाय्यामुळे खोलीत आप, तेज आणि वायू या तत्त्वांचे चांगले पालटही दिसून येत आहेत, उदा. लादीवर प्रतिबिंब दिसणे (आपतत्त्व), खोली अधिक प्रकाशमान होणे (तेजतत्त्व), भिंती गुळगुळीत होणे (वायुतत्त्व) इत्यादी. गुरुदेवांमधील वाढत्या चैतन्याचा सकारात्मक परिणाम ते रहात असलेल्या खोलीवर होत आहे. त्यामुळे खोलीत पुष्कळ चैतन्य निर्माण झाले आहे. गुरुदेवांच्या चैतन्यमय अस्तित्वामुळे या खोलीतील चैतन्यात दिवसेंदिवस वाढ होत आहे.

गुरुदेवांची खोली पुष्कळ भाग्यवान आहे; कारण ती गुरुदेवांच्या सूक्ष्मातील कार्याची प्रत्यक्ष साक्षीदार बनली आहे. एवढेच नव्हे, तर देवासुर लढ्यातही तिचे मोलाचे योगदान आहे. गुरुदेवांची चैतन्यमय खोली भावी पिढ्यांसाठी जणू चैतन्याचा स्रोत बनली आहे. गुरुदेवांच्या अस्तित्वाने परमपावन झालेल्या या चैतन्यमय खोलीप्रती आणि गुरुदेवांच्या चरणी कोटीशः कृतज्ञता !’

– सौ. मधुरा धनंजय कर्वे, महर्षि अध्यात्म विश्वविद्यालय, गोवा. (२५.३.२०२५)

तज्ञ, अभ्यासू आणि वैज्ञानिक दृष्टीने संशोधन करणारे यांना विनंती !

या संदर्भात तज्ञ, अभ्यासू, या विषयाचे शिक्षण घेणारे विद्यार्थी आणि वैज्ञानिक दृष्टीने संशोधन करणारे यांचे साहाय्य आम्हाला लाभल्यास आम्ही कृतज्ञ असू.’

संपर्क : सौ. मधुरा कर्वे

ई-मेल : [email protected]