Donald Trump On India’s Airstrikes : आता मी आशा करतो की, हे सगळे लवकर संपेल ! – डॉनल्ड ट्रम्प

वॉशिंग्टन (अमेरिका) – ही एक लाजिरवाणी गोष्ट आहे. आम्हाला आत्ताच या एअर स्ट्राईकसंदर्भात माहिती मिळाली आहे. गेल्या काही दिवसांमध्ये घडलेल्या घडामोडींच्या पार्श्वभूमीवर काहीतरी घडणार, हे लोकांना ठाऊक होते. भारत आणि पाकिस्तान यांच्यात बर्‍याच काळापासून हा संघर्ष चालू आहे. तुम्हाला कल्पना असेल की, हे अनेक वर्षे नव्हे, तर शतकांपासून चालू आहे. आता मी आशा करतो की, हे सगळे लवकर संपेल, अशी प्रतिक्रिया अमेरिकेचे राष्ट्राध्यक्ष डॉनल्ड ट्रम्प यांनी भारताच्या कारवाईनंतर व्यक्त केली.

Trump Reacts to #OperationSindoor : US Urges India & Pakistan to De-escalate, But History Tells a Different Story 🇺🇸

“We’ll talk to both sides.” – US Secy of State Marco Rubio

But the US kept troops in Afghanistan for 20 years to avenge Osama's attack — now they want India to… pic.twitter.com/yG4CH2zPIf

— Sanatan Prabhat (@SanatanPrabhat) May 7, 2025

शांततापूर्ण मार्गाने उपाय शोधण्यासाठी भारत आणि पाक यांच्याशी मी चर्चा करणार ! – अमेरिकेचे परराष्ट्रमंत्री मार्काे रुबियो

भारताने पाकिस्तानमधील आतंकवादी तळांवर ‘एअर स्ट्राईक’ केल्यानंतर भारताकडून राष्ट्रीय सुरक्षा सल्लागार अजित डोवाल यांनी अमेरिकेचे परराष्ट्रमंत्री मार्क रुबियो यांना माहिती दिली. त्यानंतर मार्को रुबियो यांनी ‘एक्स’वर पोस्ट करत म्हटले की, मी भारत आणि पाकिस्तान यांच्यामधील स्थितीवर लक्ष ठेवून आहे. मी आशा करतो की, हे सगळे लवकर संपावे. या सर्व प्रकरणावर शांततापूर्ण मार्गाने उपाय शोधण्यासाठी भारत आणि पाकिस्तान यांच्या नेतृत्वाशी मी चर्चा करत राहीन.