कोल्हापूर – ब्रह्मीभूत सद्गुरु रामचंद्र महाराज यादव यांच्या ४८ व्या पुण्यस्मरण, तसेच वैकुंठवासी श्रीगुरु भानुदास महाराज यादव यांच्या चतुर्थ पुण्यतिथी उत्सवाच्या निमित्ताने ४ मे या दिवशी पालखी मिरवणूक आणि दिंडी काढण्यात आली. साकोली कॉर्नर येथील ‘श्री ज्ञानदेव सदन’ येथून निघालेली ही दिंडी श्री महालक्ष्मीदेवी मंदिर, भवानी मंडपमार्गे परत ‘श्री ज्ञानदेव सदन’ येथे आली. पालखीत ब्रह्मीभूत सद्गुरु रामचंद्र महाराज यादव यांची प्रतिमा ठेवण्यात आली होती. ‘रामकृष्ण हरि’च्या गजरात आणि संतांचे अभंग म्हणत जाणार्‍या शिस्तबद्ध मिरवणुकीने कोल्हापूरकरांचे मन जिंकले.
मिरवणुकीत अगदी २ वर्षांच्या लहान मुलापासून ९० वर्षांपर्यंतचे भाविकही सहभागी झाले होते. भगव्या पताका, महिलांनी डोक्यावर घेतलेले तुळशी वृंदावन, भगवे ध्वज, टाळ-मृदंगाचा नाद यांमुळे कोल्हापूर शहर वारकरीमय होऊन गेले होते. या प्रसंगी ह.भ.प. महादेव यादव महाराज, ह.भ.प. पुरुषोत्तम महाराज यादव, ह.भ.प. ज्ञानेश्वर महाराज यादव, भाजपचे माजी नगरसेवक श्री. अजित ठाणेकर यांसह विविध मान्यवर सहभागी झाले होते. दिंडी झाल्यावर महाप्रसाद झाला.
पुणे, संभाजीनगरसह मराठवाड्यात २१ मे या दिवशी मुसळधार पाऊस, तर मुंबईत अतीदक्षतेची चेतावणी !
महावितरणच्या अधिकार्याला लाच स्वीकारतांना पकडले : गुन्हा नोंद
विशेष अन्वेषण पथकाकडून आणखी एक व्यक्ती कह्यात
म्हादईचे पाणी कर्नाटकमध्ये वळवू नका !
मुंबईत १३ कोटी रुपयांचे मॅफेड्रॉन जप्त, ५ जण अटकेत !
मुंबई : मद्यपी मुसलमानाच्या वादातून झालेल्या आक्रमणात २ हिंदूंचा मृत्यू !