‘सच्चिदानंद परब्रह्म डॉ. आठवले (गुरुदेव) यांच्या खोलीत डिसेंबर २०२४ पासून उष्णता जाणवत होती. जानेवारी २०२५ मध्ये ही उष्णता पुष्कळ वाढली. याविषयी ‘महर्षि अध्यात्म विश्वविद्यालया’च्या वतीने सद्गुरु डॉ. मुकुल गाडगीळ आणि सहकारी यांनी याविषयी संशोधन केले. या संशोधनातील खोलीतील सोफा आणि लाकडी कपाट यांविषयी सूत्रे २ मे या दिवशी पाहिली. आज पुढील भाग येथे दिला आहे.
या लेखाचा मागील भाग वाचण्यासाठी येथे क्लिक करा : https://sanatanprabhat.org/marathi/909323.html
४. गुरुदेवांच्या खोलीतील विविध ठिकाणच्या लाद्या आणि भिंती यांच्यापासून १ फूट अंतरावरील वातावरणाचे मोजलेले तापमान अन् त्या प्रत्येक ठिकाणी शरिराला सूक्ष्मातून जाणवलेली उष्णता
‘गुरुदेवांना त्यांच्या खोलीत डिसेंबर २०२४ पासून उष्णता जाणवत होती. जानेवारी २०२५ मध्ये ही उष्णता पुष्कळ वाढली. त्यामुळे ‘महर्षि अध्यात्म विश्वविद्यालया’ने त्याविषयी संशोधन करायचे ठरवले. आम्ही (सद्गुरु डॉ. मुकुल गाडगीळ आणि सहकारी यांनी) खोलीतील लाद्या आणि भिंती यांच्या जवळच्या वातावरणाचे तापमान मोजायचे ठरवले.
४ अ. तापमान मोजणे : त्यामुळे आम्ही गुरुदेवांच्या खोलीतील वेगवेगळ्या ठिकाणच्या लाद्या आणि भिंती यांच्यापासून १ फूट अंतरावरील वातावरणाचे तापमान ‘फ्लीर’ या यंत्राने, तसेच वातावरणाचे तापमान मोजणार्‍या आणखी एका यंत्राने मोजले. पुढील सारण्यांमध्ये या प्रयोगात ‘0C’ मध्ये मोजलेले तापमान दिले आहे.
४ आ. देहाला आलेली लादी आणि भिंती यांच्या उष्णतेची अनुभूती : लादीवर ज्या ठिकाणचे तापमान मोजले, त्या ठिकाणी मी उभे राहून, तसेच भिंतीसमोर माझा तळहात धरून ‘मला कितपत उष्णता जाणवली’, यांच्या नोंदी मी पुढील सारण्यांमध्ये केल्या आहेत. मला आलेली लादीच्या उष्णतेची अनुभूती म्हणजे, ‘लादीची उष्णता अल्प असेल, तर मला ती केवळ माझ्या पावलांना जाणवत होती. जसजशी उष्णता वाढत होती, तसतशी मला माझ्या पायांना वर वर, म्हणजे ‘माझ्या घोट्यांपर्यंत, माझ्या पोटर्‍यांपर्यंत, माझ्या गुडघ्यांपर्यंत आणि माझ्या मांड्यांपर्यंत’ उष्णता जाणवत होती. त्यावरून लादीची उष्णता अल्प आहे कि अधिक आहे, याचे अनुमान मी काढत होतो. भिंतीची उष्णता अनुभवतांना देवाने मला वेगवेगळ्या अनुभूती दिल्या. त्यामध्ये मला माझ्या चेहर्‍यावर उष्णतेची अनुभूती आली. यामध्ये उष्णता जसजशी वाढत होती, तसतशी मला माझे कपाळ, नाक, ओठ आणि हनुवटी अशी चेहर्‍यावर खाली खाली उष्णतेची स्पंदने जाणवत होती. त्याप्रमाणे नोंदी मी पुढील सारण्यांमध्ये केल्या आहेत.
४ इ. गुरुदेव आडवे पडत असलेल्या पलंगाभोवतीच्या वेगवेगळ्या ठिकाणच्या लाद्यांचे तापमान आणि सद्गुरु डॉ. मुकुल गाडगीळ यांना जाणवलेली उष्णता : गुरुदेवांच्या खोलीत त्यांचा पलंग ‘पूर्व-पश्चिम’ या दिशेला असून त्यांचे डोके पूर्वेला आणि पाय पश्चिमेला असतात. आम्ही या पलंगाच्या सभोवती असलेल्या लाद्यांच्या तापमानाच्या नोंदी केल्या. आम्ही ‘फ्लीर’ या यंत्राने, तसेच वातावरणाचे तापमान मोजणार्‍या आणखी एका यंत्राने वेगवेगळ्या ठिकाणच्या लादीपासून १ फूट अंतरावरील वातावरणाचे तापमान मोजले. तसेच ‘त्या लादीवर उभे राहिल्यावर लादीच्या उष्णतेच्या संदर्भात मला काय जाणवले’, हे मी सारणीमध्ये नमूद केले.
टीप १ – यंत्राने मोजलेले तापमान आणि सूक्ष्मातून अनुभवलेले तापमान यांमध्ये भेद असण्याचे कारण : यंत्राने तापमान मोजतांना ते केवळ वातावरणातील उष्णतेचा परिणाम, म्हणून मोजले जाते, तर सूक्ष्मातून जाणवणारे तापमान हे त्या खोलीत लादी आणि भिंती यांमधून प्रक्षेपित होणार्‍या शक्तीमुळे निर्माण होणार्‍या उष्णतेचे आहे. त्यामुळे पलंगापासून ४ फूट अंतरावरील पूर्वेकडील लादीचे यंत्राने मोजलेले तापमान तेथील सकाळच्या सूर्यप्रकाशाच्या परिणामामुळे अधिक होते; पण तेथे शक्ती कमी प्रमाणात कार्यरत असल्यामुळे ते सूक्ष्मातून अल्प प्रमाणात जाणवले. तापमान मापन यंत्र केवळ स्थुलातील तापमान मोजू शकते, तर सूक्ष्मातून जाणू शकणारी व्यक्ती सूक्ष्मातील ऊर्जा अनुभवू शकते. त्यामुळे प्रत्यक्ष तापमान आणि सूक्ष्मातील जाणवलेली ऊर्जा यांमध्ये भेद असू शकतो. अध्यात्मातील या प्रयोगात सूक्ष्मातून जाणवलेली ऊर्जा ही खरी ऊर्जा होय.
– (सद्गुरु) डॉ. मुकुल गाडगीळ (पीएच्.डी., मुंबई विद्यापीठ), महर्षि अध्यात्म विश्वविद्यालय, गोवा. (१२.१.२०२५)
या लेखाचा पुढील भाग वाचण्यासाठी येथे क्लिक करा : https://sanatanprabhat.org/marathi/910232.html
|
हिंदूंनो, आशा सोडू नका !
वृथा भाषा अहंकार !
मेलेल्या कोंबड्याला आगीचे भय कसले ?
खासदार-आमदारांवर नोंदवलेल्या फौजदारी गुन्ह्याच्या संदर्भातील न्यायालयीन प्रक्रिया !
‘ऑपरेशन सिंदूर’ : भारताचा मित्र कोण आणि शत्रू कोण ?
रामायण-महाभारत यांचा खगोलशास्त्राच्या आधारे कालावधी शोधणारे अमेरिकेतील जगप्रसिद्ध संशोधक डॉ. नीलेश ओक !