Don’t Broadcast Live Coverage : प्रसारमाध्यमांनी संरक्षण दलांच्या कारवाईचे थेट प्रक्षेपण करू नये !

केंद्र सरकारचे प्रसारमाध्यमांना सल्ला

नवी देहली – केंद्र सरकारच्या माहिती आणि प्रसारण मंत्रालयाने देशातील वृत्तवाहिन्यांना भारतीय सैन्याच्या मोहिमा आणि सुरक्षादलांच्या हालचाली यांचे थेट प्रक्षेपण टाळण्याचा सल्ला दिला आहे. असे वृत्तांकन अनवधानाने शत्रूंना साहाय्य करू शकते, असे सरकारने म्हटले आहे.
मंत्रालयाने प्रसारित केलेल्या सूचनांमध्ये म्हटले आहे की, राष्ट्रीय सुरक्षेच्या हितासाठी सर्व प्रसारमाध्यमे, वृत्तसंस्था आणि सामाजिक माध्यमे यांचा वापर करणार्‍यांनी संरक्षण अन् इतर सुरक्षेच्या संदर्भातील घडामोडींशी संबंधित गोष्टींचे वृत्तांकन करतांना अत्यंत दायित्वाने वागावे. यासह विद्यमान कायदे अन् नियम यांचे काटेकोरपणे पालन करावे.