गेले काही दिवस ‘भारतातील पनीरमधील भेसळ’ यावर इंटरनेटवर बर्‍याच चर्चा चालू आहेत. शाकाहारी आहारातील ‘प्रोटीन्स’चा (प्रथिनांचा) उत्तम स्रोत म्हणून पनीरकडे पाहिले जाते; पण देशातील बहुसंख्य पनीर हे भेसळयुक्त असल्याचे जागोजागी दिसत आहे. युरिया, फॉर्मेलिन, स्टार्च आणि अन्य कित्येक रसायने घालून हे पनीर बनवले जात आहे.
आयुर्वेदानुसार नियमित व्यायाम करणार्‍या व्यक्तींनी कधी तरी पनीर खायला काही हरकत नाही. त्यांच्या पोषणासाठी ते उपयुक्त ठरते. व्यायाम न करणार्‍या व्यक्तींनी मात्र त्यापासून शक्यतो दूर रहाणे उत्तम. त्यातही पचनाचे विकार, वारंवार पोट बिघडणे, काहीही खाल्ल्यावर शौचाला जाण्याची भावना होणे असे त्रास असणार्‍यांनी अधिक काळजी घ्यावी. त्यातही आताचे अहवाल पहाता एकूणच बाजारातील पनीरपासून दूर रहाण्यात शहाणपण आहे.
माझ्या रुग्णांना गेल्या किमान ५ वर्षांपासून मी ‘बाजारातील पनीर खाऊ नका’, असे सांगत आलो आहे. पनीर खायचेच असेल, तर घरच्या घरी लिंबू रसाने दूध फाडून सिद्ध करून खा. त्यातही घरी केलेले असले, तरी रात्रीच्या जेवणात पनीर शक्यतो टाळा. नियमित व्यायाम करणार्‍यांनीही पनीर हा नित्यनेमाने प्रतिदिन अमुक एक ग्रॅम असा नियमित खाण्याचा पदार्थ नाही, हे लक्षात घ्या !
– वैद्य परीक्षित शेवडे, आयुर्वेद वाचस्पति, डोंबिवली.
मूतखडा (किडनी स्टोन) होण्याची कारणे आणि त्यावरील उपाय 
योग आणि आयुर्वेद यांना जागतिक स्तरावर पोचवणारे हरिद्वार (उत्तराखंड) येथील योगऋषी रामदेवबाबा !
कोणत्याही परिस्थितीत रुग्णांचे मृतदेह अडवू नका !
कैलास मानसरोवर यात्रेच्या निमित्ताने ‘सहज सेवा ट्रस्ट’च्या वतीने मार्गदर्शन !
अंतर्गत प्रेरणेने व्यायाम केल्यास व्यायामात सातत्य राहून आनंद मिळणे
रस्त्यांवरील अनाथ बालकांचे राज्यशासन करणार पुनर्वसन !