Kash Patel : हिंसाचार करणारे कुठेही असले, तरी त्यांना शोधून काढू ! - काश पटेल, संचालक, एफ्.बी.आय.

भारताला हवा असलेला खलिस्तानी आतंकवादी हरप्रीत सिंह याला अमेरिकेत झाली आहे अटक !

वॉशिंग्टन – एफ्.बी.आय.चे भारतीय वंशाचे संचालक काश पटेल यांनी भारताला आश्वासन दिले आहे की, प्रथम गुन्हेगार असलेला आणि नंतर आतंकवादी बनलेला हरप्रीत सिंह उपाख्य हॅपी पासिया याच्या अटकेनंतर आता न्याय मिळेल. पटेल यांनी त्यांच्या ‘एक्स’वरील पोस्टमध्ये म्हटले आहे की, अटक करण्यात आलेला हरप्रीत सिंह हा भारत आणि अमेरिका येथील पोलीस ठाण्यांवर आक्रमण करण्याच्या षड्यंत्रात सहभागी होता. एफ्.बी.आय.ने स्थानिक, तसेच भारतातील त्यांचे साथीदार यांच्या सहकार्याने उत्तम कामगिरी केली. एफ्.बी.आय. हिंसाचार करणार्‍यांचा पाठलाग यापुढेही करतच राहील.

संपादकीय भूमिका

अमेरिकी गुप्तचर यंत्रणा केवळ बोलत नाहीत, तर ते करून दाखवतात. भारतविरोधी कृत्ये करून विदेशात लपून बसलेल्या आतंकवाद्यांना भारतात फरफटत आणून त्यांना शिक्षा करण्याची धमक भारतीय व्यवस्था कधी दाखवणार ?

वर्ष २००८ मध्ये मुंबईवरील आतंकवादी आक्रमणात हवा असलेला तहव्वूर राणा याला या घटनेनंतर १७ वर्षांनी भारतात आणले गेले. हरप्रीत सिंह याला भारतात आणून त्याच्यावर खटला चालवून त्याला शिक्षा होईल का ?