Shiv Sena Leader Murder Case : मोगा (पंजाब) : शिवसेनेच्या नेत्याची हत्या करणार्‍या ३ गुन्हेगारांना चकमकीनंतर अटक

मोगा (पंजाब) – येथे शिवसेनेचे (शिंदे गट) नेते मंगत राम यांची गोळ्या झाडून हत्या करण्यात आली होती. पोलीस आरोपींचा शोध घेत होते. १४ मार्चच्या रात्री हत्या करणार्‍या तिघांसमवेत पोलिसांची चकमक उडाली. यानंतर पोलिसांनी अरुण गुरप्रीत सिंह, अरुण बब्बू सिंह आणि राजवीर अशोक कुमार या तिघांना अटक केली. चकमकीत हे आरोपी घायाळ झाल्याने त्यांना उपचारासाठी मलौट येथील रुग्णालयामध्ये भरती करण्यात आले आहे. ही हत्या वैयक्तिक वादातून झाल्याचा दावा पोलिसांनी केला आहे.