सांगली शहरातील अनधिकृत फ्लेक्स छापणार्‍या मुद्रणालयावर महापालिकेकडून कठोर कारवाई !

१८ सहस्र रुपयांचा दंड आणि साहित्य जप्त !

सांगली, १० मार्च (वार्ता.) – महापालिका क्षेत्रात अनधिकृत फ्लेक्स प्रिटिंगचा व्यवसाय करणारे मुद्रणालयावर महापालिकेने कठोर कारवाई करून १८ सहस्र रुपयांचा दंड आणि मुद्रणालयाचे साहित्य जप्त केले आहे. महापालिकेचे आयुक्त शुभम गुप्ता यांनी शहरातील अनधिकृत व्यवसायाची नोंद घेऊन जागेवर जाऊन ही कारवाई केली आहे. प्रभाग समिती २ मधील सांगली-मिरज रस्त्यावरील विनापरवाना तळघरांमध्ये फ्लेक्स छापायचा व्यवसाय अनधिकृतरित्या करण्यात येत होता. त्यामुळे त्याच्यावर कारवाई करण्यात आली.