२६/११ च्या आक्रमणाला अंतिम न्याय मिळेल ! – देवेंद्र फडणवीस, मुख्यमंत्री

तहव्वूर राणाला भारताकडे सोपवण्याचा निर्णय आनंदाची गोष्ट !

मुंबई – मुंबईवरील २६/११ च्या आतंकवादी आक्रमणाचा कट रचणारा पाकिस्तानी आतंकवादी तहव्वूर राणाला भारताकडे सुपुर्द करण्याला अमेरिकेने अनुमती दिली आहे. याविषयी बोलतांना मुख्यमंत्री देवेंद्र फडणवीस म्हणाले, ‘‘२६/११ च्या आक्रमणाला अंतिम न्याय मिळेल. तहव्वूर राणाला भारताकडे सोपवण्याचा निर्णय ही अतिशय आनंदाची गोष्ट आहे. पंतप्रधान नरेंद्र मोदी यांनी यासाठी अमेरिकी प्रशासनाला सिद्ध केले. मागच्या काळात आम्ही तहव्वूर राणाची ऑनलाईन साक्ष मिळवली होती.  त्यामुळे यात पाकिस्तानचा हात असल्याचे आपण दाखवू शकलो; पण त्या वेळी ‘तो आमच्या सुरक्षेत असल्याने आम्ही त्याला देणार नाही’, असे अमेरिकेने सांगितले होते;  मात्र ‘तो भारताला अपराधी म्हणून उपलब्ध झाला पाहिजे’, अशी मागणी पंतप्रधान मोदींनी रेटली. त्यामुळे त्याच्या प्रत्यार्पणाला मान्यता मिळाली.’’