अक्कलकुवा (नंदुरबार) येथील मदरशात २ विदेशी नागरिकांचे अवैध वास्तव्य !

पारपत्राची मुदत संपून ९ वर्षे उलटली !

नंदुरबार – जिल्ह्यातील अक्कलकुवा येथील ‘जामिया इस्लामिया इशातुल उलूम संस्था’ या मदरशात २ येमेन नागरिक अवैधपणे वास्तव्यास असल्याचे जिल्हा विशेष शाखेच्या निदर्शनास आले होते. खालेद इब्राहीम सालेह अल-खदामी आणि त्याची पत्नी खादेगा इब्राहीम कासीम अल-नाशेरी अशी त्यांची नावे आहेत. येथील ‘फूड इंडस्ट्रीज’ या आस्थापनाशी व्यापार करण्यासाठी व्यापारी व्हिसा घेऊन ते भारतात आले होते. मुलाच्या औषधोपचारासाठीही वैद्यकीय व्हिसा घेतला होता. त्याच्या पारपत्राची मुदत ६ डिसेंबर २०१५, तर त्याच्या कुटुंबाच्या पारपत्राची मुदत १९ डिसेंबर २०१६ पर्यंतच वैध होती; पण तरीही ते अद्याप येथे अवैधपणे रहात होते.

खालेद ४ जानेवारी २०१६ या दिवशी एका कार्यक्रमात सहभागी झाल्यावर परकीय नागरिक कायद्यानुसार अटक करण्यात आली; पण नंतर त्याची जामिनावर मुक्तताही झाली. मुदत संपून अनेक वर्षे होऊनही ते येथेचे वास्तव्यास आहेत. त्यांना आसरा देणार्‍यांवरही कारवाई व्हायला हवी, अशी मागणी करण्यात येत आहे.