शिरूर (पुणे) येथील २ ख्रिस्ती शाळांमध्ये चालू असलेले धर्मांतराचे प्रयत्न रोखण्यासाठी योग्य ती कारवाई करावी !

शिरूरचे शिक्षणाधिकारी आणि पोलीस यांच्याकडे निवेदनाद्वारे मागणी !

शिरूर (जिल्हा पुणे) – नागरिकांच्या तक्रारीवरून शिरूर तालुक्यातील सरदवाडी येथील ‘सेंट चावरा स्कूल’ आणि रामलिंग येथील ‘सेंट जोसेफ इंटरनॅशनल स्कूल’ येथे आम्ही जाऊन पहाणी केली असता तेथे ख्रिस्ती धर्माचे प्रतीक क्रॉस आणि येशू ख्रिस्त, तसेच मदर मेरी अन् इतर सांकेतिक चिन्हे, तसेच मूर्ती, मंदिरे निदर्शनास आल्या. या शाळांमध्ये ९० टक्क्यांपेक्षा अधिक हिंदू विद्यार्थी शिकत असतांना कोण्या एका धर्माचे प्रतीक विद्यार्थ्यांच्या सतत निदर्शनास येतील, अशा पद्धतीने जागोजागी लावून जाणीवपूर्वक विद्यार्थ्यांना धर्मांतरासाठी प्रवृत्त केल्याची घटना घडत आहे.

भारतीय राज्यघटनेनुसार कुठल्याही शाळेमध्ये इतर छायाचित्रे निदर्शनास आलेली नाहीत. त्यामुळे या शाळांची येत्या ८ दिवसांच्या आत समक्ष स्थळ पहाणी करून योग्य ती कारवाई करावी, अन्यथा मोठ्या प्रमाणावर आंदोलन करण्यात येईल, अशी चेतावणी शिरूर तालुका भाजपचे सरचिटणीस विजय ज्ञानेश्वर नर्के यांनी दिली आहे.

हिंदुत्वनिष्ठांनी स्वाक्षरी केलेले निवेदन	शाळेमध्ये दर्शनी भागात ठेवलेले येशू ख्रिस्तांची मूर्ती
शाळेमध्ये दर्शनी भागात भिंतीवर लटकवलेली येशू ख्रिस्तांची मूर्ती	शाळेमध्ये दर्शनी भागात असलेली मेरीची मूर्ती

शिरूर तहसीलदार बाळासाहेब मस्के, गटशिक्षण अधिकारी बाळकृष्ण कळमकर आणि शिरूर पोलीस (ठाणे अंमलदार जगताप) यांना लेखी तक्रार देऊन अन्वेषण करून योग्य ती कारवाई करण्यासाठी निवेदन दिले. या वेळी विजय नर्के, आकाश चाकणे, राजेंद्र महाजन, राजू चोंधे आणि इतर कार्यकर्ते उपस्थित होते.