ऐसीच प्रीती तुझी अखंड राहो, हे मधुरधिपती महाबाहो ।

‘ध्यानमंदिरात नामजप करतांना नामात मनाचा सहभाग अल्प होता. त्यामुळे मला आनंद घेता येत नव्हता. त्या वेळी मला श्रीकृष्णरूपात गुरुदेव दिसले. तेव्हा माझ्याकडून याचकभावे पुढील प्रार्थना झाली.

शरणागतभावे करते याचना ।
पहाशील का मजकडे हे मधुराणा ।। १ ।।

तुजकडे घे ना या मना ।
सवंगडी तुझा करवून घे रे कान्हा ।। २ ।।

इथे तिथे नुसतेच पळते ।
केवळ तुझा मधुर मुरलीनाद ऐकते ।। ३ ।।

पाऊल मनाचे तेथेच थबकते ।
मग आहे तिथून परतीच्या प्रवासाला निघते ।। ४ ।।

तुज सभोवती रुंजी घालते ।
तुझ्या कोमल चरणी क्षणभर विसावते ।। ५ ।।

उत्साह, आनंद भरभरून घेते ।
तुज पासूनी दूर जाण्याचा विचार सोडते ।। ६ ।।

ऐसीच प्रीती तुझी अखंड राहो ।
हे मधुरधिपती महाबाहो ।। ७ ।।

– सौ. स्वाती संदीप शिंदे (आध्यात्मिक पातळी ६६ टक्के, वय ३७ वर्षे), सनातन आश्रम, रामनाथी, फोंडा, गोवा. (२८.८.२०२३)