सद़्‍गुरु दादा, तुमच्‍या चरणी शरणागतभावाने केवळ कृतज्ञता ।

प.पू. गुरुदेवांनी आम्‍हाला आणले देवद आश्रमात ।
सद़्‍गुरु दादा (टीप १), तुमच्‍या कृपाछत्रात ॥ १ ॥

प्रेमाचा झरा सतत वहातो इथे ।
सद़्‍गुरु दादा, तुमचे अस्‍तित्‍व जिथे ॥ २ ॥

भगवान शिवाची ज्ञानगंगा अवतरते पृथ्‍वीवरी ।
सद़्‍गुरु दादा, आढाव्‍याच्‍या (टीप २) रूपाने तुमची कृपा असे साधकांवरी ॥ ३ ॥

चैतन्‍याचा प्रवाह आश्रमात पसरतो दूरवर ।
सद़्‍गुरु दादा, जिथे तुमचा सहजपणे असे वावर ॥ ४ ॥

देवद आश्रमातील उपायांची संजीवनी (टीप ३) ।
सद़्‍गुरु दादा, आमच्‍या त्रासात (टीप ४) तुम्‍ही आधार असता धन्‍वंतरि बनूनी ॥ ५ ॥

आनंदाचे तरंग सर्वदूर पसरतात ।
सद़्‍गुरु दादा, तुमच्‍या निखळ हास्‍याने आमचे नेत्र हे अनुभवतात ॥ ६ ॥

‘ईश्‍वरप्राप्‍ती’ हे सुनिश्‍चित होते ध्‍येय ।
सद़्‍गुरु दादा, तुमच्‍या दृष्‍टीक्षेपाने आमच्‍यात श्रद्धा निर्माण होते अढळ ॥ ७ ॥

वर्णाया तुमची महती, अनुभवण्‍या तुमची कृपा ।
सद़्‍गुरु दादा, या जिवाला भाव-भक्‍तीची भीक घाला ॥ ८ ॥

तुमच्‍या चरणी शरणागतभावाने असे केवळ ।
कृतज्ञता, कृतज्ञता आणि कृतज्ञता ॥ ९ ॥

टीप १ – सद़्‍गुरु राजेंद्र शिंदे

टीप २ – सद़्‍गुरु राजेंद्रदादा देवद आश्रमातील काही साधकांच्‍या व्‍यष्‍टी साधनेचा आढावा घेतात.

टीप ३ – आध्‍यात्मिक त्रास असणार्‍या साधकांना नामजपादी उपाय सांगून त्‍यांचे त्रास दूर करणेे

टीप ४ – आध्‍यात्मिक त्रासात’

– सौ. राधा साळोखे, सनातन आश्रम, देवद, पनवेल.

आध्यात्मिक त्रास : याचा अर्थ व्यक्तीमध्ये नकारात्मक स्पंदने असणे. व्यक्तीमध्ये नकारात्मक स्पंदने ५० टक्के किंवा त्यांहून अधिक प्रमाणात असणे, म्हणजे तीव्र त्रास, नकारात्मक स्पंदने ३० ते ४९ टक्के असणे, म्हणजे मध्यम त्रास, तर ३० टक्क्यांहून अल्प असणे, म्हणजे मंद आध्यात्मिक त्रास असणे होय. आध्यात्मिक त्रास हा प्रारब्ध, पूर्वजांचे त्रास आदी आध्यात्मिक स्तरावरील कारणांमुळे होतो. आध्यात्मिक त्रासाचे निदान संत किंवा सूक्ष्म स्पंदने जाणू शकणारे साधक करू शकतात.