‘पी.एम्.पी.एम्.एल्.’मधून फुकट प्रवास करणारे १८ सहस्र प्रवासी गेल्या वर्षभरात पकडले !

प्रतिदिन ५० प्रवाशांचा फुकट प्रवास !

पुणे – पुणे महानगर परिवहन महामंडळाच्या (पी.एम्.पी.एम्.एल्.) बसमधून विनातिकीट प्रवास करणार्‍या प्रवाशांची संख्या वाढत आहे. मागील वर्षभरात १८ सहस्र प्रवाशांनी विनातिकीट प्रवास केला असून त्यांच्याकडून १ कोटी ३३ लाख २८ सहस्र ६०० रुपयांहून अधिक दंड वसूल केला आहे. फुकट प्रवास करणार्‍या प्रवाशांकडून दंड घेतला जातो; मात्र तरीही विनातिकीट प्रवास करण्याचे प्रमाण वाढतच आहे. त्यामुळे प्रतिदिन २५ सहस्रांहून अधिक रुपयांची दंड वसुली ‘पी.एम्.पी.एम्.एल्.’कडून होते.