|
मुंबई – पंतप्रधान नरेंद्र मोदी(Narendra Modi) १५ जानेवारी या दिवशी महाराष्ट्र दौर्‍यावर येणार आहेत. सकाळी १०.३० वाजता पंतप्रधान मुंबईच्या नौदल गोदीत आय.एन्.एस्. सुरत, आय.एन्.एस्. निलगिरी आणि आय.एन्.एस्. वाघशीर या नौदल युद्धनौकांचे राष्ट्रार्पण करतील. दुपारी ३.३० वाजता त्यांच्या हस्ते खारघर येथील इस्कॉन मंदिराचे उद्घाटन होणार आहे.
१. आय.एन्.एस्. सुरत (पी १५ बी) हे क्षेपणास्त्र विनाशक प्रकल्पातील चौथे आणि सर्वोत्तम जहाज असून जगातील सर्वांत मोठ्या आणि अत्याधुनिक विनाशकांपैकी एक आहे. यातील ७५ टक्के सामग्री स्वदेशी आहे. अत्याधुनिक शस्त्र, सेन्सर पॅकेजेस आणि प्रगत नेटवर्क-केंद्रित क्षमतांनी ते सुसज्ज आहे.
२. आय.एन्.एस्. निलगिरी (पी १७ ए) ‘स्टेल्थ फ्रिगेट’ प्रकारातील पहिले जहाज असून भारतीय नौदलाने त्याची निर्मिती केली आहे. त्यात संकटकाळी तग धरण्याची क्षमता आहे. सागरी सुरक्षेसाठी प्रगत वैशिष्ट्ये यात समाविष्ट केली आहेत.
३. आय.एन्.एस्. वाघशीर (पी ७५) स्कॉर्पिअन प्रकल्पाची सहावी आणि अंतिम प्रकारातील पाणबुडी आहे. पाणबुडी बांधणीतील भारताच्या वाढत्या कौशल्याचे ती प्रतिनिधित्व करते. फ्रान्स नौदलाच्या समूहाच्या सहकार्याने तिची बांधणी करण्यात आली आहे.
श्री श्री राधा मदनमोहनजी मंदिर, खारघर, नवी मुंबई येथील इस्कॉन प्रकल्पाचे पंतप्रधान उद्घाटन करतील. ९ एकरांवर वसलेल्या या प्रकल्पात अनेक देवतांची मंदिरे, वैदिक शिक्षणाचे केंद्र, प्रस्तावित वस्तूसंग्रहालय, सभागृह आणि उपचार केंद्र यांचा समावेश आहे. विश्‍वबंधुत्व, शांतता आणि सौहार्द वाढवणे हे वैदिक शिक्षण केंद्राचे उद्दिष्ट आहे.
इंदूर (मध्यप्रदेश) येथे साजरा झाला ‘प.पू. सद्गुरु अनंतानंद साईश यांचा ६९ वा प्रकटोत्सव’ !
३०० किलोमीटर अंतरावरच पोलिसांच्या भाविकांना कुंभक्षेत्री न जाण्याच्या सूचना !
मुंबई, ठाणे आणि नवी मुंबई परिसरातून १६ बांगलादेशी घुसखोरांना अटक !
‘यू ट्यूबर’ रणवीर अलाहबादिया याच्या विरोधात तक्रार !
हरियाणातील एका शाळेचे विद्यार्थी प्रतिदिन गाय आणि पक्षी यांसाठी डब्यातून आणतात पोळी !
१४ कोटी लोक अन्न सुरक्षा कायद्यापासून वंचित ! – सोनिया गांधी