‘व्हेईकल ट्रॅकिंग सिस्टिम ॲप’द्वारे एस्.टी.ची सद्य:स्थिती आणि ठिकाण समजणार !

मुंबई – महाराष्ट्र राज्य परिवहन महामंडळाने प्रवाशांच्या सोयीसाठी ‘व्हेईकल ट्रॅकिंग सिस्टिम ॲप’ आणले आहे. प्रवाशांना एस्.टी.चे थांबे, बस स्थानकात बस किती वाजता येणार, हे २४ घंटे अगोदर कळेल. या ‘ॲप’च्या माध्यमातून प्रवाशांना ‘लालपरी’चे लोकेशन भ्रमणभाषवर कळेल. त्यासाठी एस्.टी. तिकिटावरील क्रमांकाच्या माध्यमातून प्रवाशांना बस स्थानकात एस्.टी. किती वाजता येणार, हे कळेल. एस्.टी.च्या ताफ्यातील सर्वच बसगाड्यांमध्ये ‘व्हेईकल ट्रॅकिंग सिस्टिम’ बसवण्यात येणार आहे. त्यामुळे प्रवाशांना या ‘ॲप’च्या माध्यमातून बसची सद्य:स्थिती आणि ठिकाण समजेल.