पुणे – कल्याणीनगर भागातील ‘हिट अँड रन’ प्रकरणानंतर या भागात मध्यरात्रीपर्यंत चालू रहाणारे हॉटेल, पब विरोधात नागरिकांनी तीव्र रोष व्यक्त करत तक्रारी केल्या होत्या. (नागरिकांना तक्रारी का कराव्या लागतात ? पोलीस गस्त घालतात, तर त्यांना हे अपप्रकार दिसत नाहीत का ? अशा पोलिसांवरही कठोर कारवाई होणे आवश्यक ! – संपादक) पोलीस प्रशासनाने कारवाई करून २० पेक्षा अधिक पब विरोधात कारवाई केली होती; मात्र त्यानंतर या भागातील हॉटेल, पब पुन्हा मध्यरात्रीपर्यंत चालू झाले आहेत. रात्री विलंबापर्यंत हॉटेल चालू असल्याने तेथील रहिवाशांना त्रास सहन करावा लागतो. पोलीस आयुक्तांचे आदेश धुडकावून हॉटेलमध्ये मध्यरात्रीपर्यंत साऊंड सिस्टीम चालू ठेवली होती. या प्रकरणी पोलीस कर्मचारी प्रवीण खाटमोडे यांनी दिलेल्या तक्रारीवरून येरवडा पोलिसांनी २ हॉटेल मालकांविरोधात गुन्हा नोंद केला आहे. कुकू हॉटेलचे मालक खुशबू वर्मा, व्यवस्थापक फैयाज फकिराउद्दीन मीर, हॉटेल ओआयब्रूचे मालक अमन प्रेम तलरेजा आणि व्यवस्थापक निखिल बेडेकर अशी त्यांची नावे आहेत.
सांगलीत कॉपीमुक्त बोर्ड परीक्षेसाठी सभा
मुस्लीम सुन्नत जमियतने सरकारी गायरान भूमीच्या मालकी अधिकाराची कागदपत्रे सादर केली नाहीत !
विनापरवाना भंगार व्यवसाय करणार्यांवर कठोर कारवाई करा ! – मुख्यमंत्री देवेंद्र फडणवीस
सिंधुदुर्ग जिल्ह्यातील आरोग्य सेवा सुधारण्यासाठी ‘व्हॉटस्ॲप’चा गट दबाव आणणार !
येत्या शिवजयंतीपूर्वी अफझलखानवधाचे शिल्प बसवण्यात यावे !
चिन्मय कृष्णदास यांची सुटका, तसेच बांगलादेशी हिंदूंचे रक्षण यांसाठी भारत सरकारने हस्तक्षेप करावा !