बीड – जिल्ह्यातील अंबाजोगाई येथील स्वामी रामानंद तीर्थ ग्रामीण वैद्यकीय महाविद्यालय आणि रुग्णालयात बनावट औषध साठा होत असल्याप्रकरणी गुन्हा नोंद केला आहे. हा साठा भिवंडी येथून पुरवला जात होता. त्यामुळे भिवंडीतील नारपोली येथील मे. अॅक्वेटीस बायोटेक प्रा.लि. आस्थापनाचे संचालक मिहीर त्रिवेदी आणि द्विती सुमित त्रिवेदी यांच्या विरोधात गुन्हा नोंद करण्यात आला आहे.
य प्रकरणातील अन्वेषणामध्ये बनावट औषधांची तपासणी बीड येथील शासकीय औषध निरीक्षकांनी केली. त्यामध्ये मेसर्स उत्तराखंड येथील म्रीस्टल फॉर्म्युलेशन या अस्तित्वात नसलेल्या बनावट आस्थापनाकडून उत्पादित केलेल्या ‘अझीमसीम ५०० टॅबलेट’चा नमुना चाचणीसाठी घेतला होता. मुंबई येथील शासकीय औषध परीक्षण प्रयोगशाळेत हे औषध बनावट असल्याचे निष्पन्न झाले.
भिवंडीतील आस्थापन मालकांनी हा औषध पुरवठा मे. काबीज जेनेरिक हाऊस मीरा रोड, ठाणे यांच्याकडून खरेदी करून कोल्हापूर येथील विशाल एन्टरप्राईजेस यांना वितरीत केला होता, तर सुरत येथील मे. फार्मासिक्स बायोटेक या आस्थापनानेही बनावट औषध साठा भिवंडी येथील मे. अॅक्वेटीस बायोटेक प्रा.लि. कंपनी यांच्याकडून घेऊन कोल्हापूर येथील मे. विशाल एन्टरप्राईजेस या आस्थापनाकडे दिला. पैसे कमावण्याच्या उद्देशाने मालाची आणि आस्थापनांची हेराफेरी करून हा बनावट औषधसाठा वितरित होत असल्याचे अन्वेषणात निष्पन्न झाले. त्यामुळे या बनावट औषधांचा काळाबाजार करणारी मोठी यंत्रणा असण्याची शक्यता आहे.
गोवा पर्यटन विकास महामंडळाच्या बैठकीत क्रूझ टर्मिनल, विमानतळावरील टॅक्सी शुल्क, पर्यटन विकास आदींवर चर्चा
‘जेईई मेन्स’ परीक्षेमुळे १२ वी विज्ञान शाखेच्या प्रात्यक्षिक परीक्षांच्या वेळापत्रकात पालट
मकरसंक्रांतीनिमित्त पंढरपूर येथील विठ्ठल-रुक्मिणी मंदिरात रंगीबेरंगी फुलांची आरास, तर रुक्मिणीदेवीला पारंपरिक अलंकार !
नाशिक येथे मांजाचा वापर करणार्या ११ अल्पवयीन मुलांच्या पालकांविरोधात सदोष मनुष्यवधाचे गुन्हे नोंद !
मकरसंक्रांतीच्या निमित्ताने तुळजापूर येथील श्री भवानीदेवी आणि कोल्हापूर येथील श्री महालक्ष्मीदेवी यांची करण्यात आलेली विशेष अलंकार पूजा
खासगी प्रवासी वाहतूक करणार्या आस्थापनांना एकाच नियमावलीअंतर्गत आणणार ! – परिवहन मंत्री प्रताप सरनाईक