सातारा, ३ डिसेंबर (वार्ता.) – येथील बुधवार नाका ते मोळाचा ओढा या रस्‍त्‍यावरील पुलाचे बांधकाम नगरपालिकेच्‍या वतीने चालू करण्‍यात आले आहे. यासाठी जुना पूल जेसीबीच्‍या साहाय्‍याने पाडण्‍यात आला. या वेळी पुलावरून जाणार्‍या पाणीपुरवठ्याची जलवाहिनी जेसीबीमुळे फुटली आणि सहस्रो लिटर पाणी वाया गेले. (पूल पाडतांना योग्‍य ती काळजी नगरपालिकेने घेतली नव्‍हती का ? – संपादक) त्‍यामुळे परिसरात पुष्‍कळ पाणी साठले. यामुळे शाहूपुरी आणि आकाशवाणी झोपडपट्टी परिसरातील पाणीपुरवठा बंद होऊन नागरिकांची गैरसोय झाली.
मोळाचा ओढा ते बुधवार नाका या परिसराला जोडणार्‍या पुलावर अनेक खड्डे पडल्‍यामुळे तो नादुरुस्‍त झाला होता. स्थानिक नागरिकांकडून पुलाच्‍या दुरुस्‍तीसाठी अनेक वेळा मागणी करण्‍यात आली. या मागणीची नोंद घेऊन सातारा नगरपालिकेने हा पूल दुरुस्‍तीसाठी घेतला आहे. आधीच पाणी कपातीमुळे सातारावासीय त्रस्‍त झाले असून त्‍यात पाईपलाईन फुटल्‍यामुळे नागरिकांना विविध समस्‍यांचा सामना करावा लागत आहे. सातारा नगरपालिकेने लवकरात लवकर या जलवाहिनीची दुरुस्‍ती करून द्यावी, अशी मागणी स्थानिक नागरिक करत आहेत.
११ ते १६ डिसेंबरपर्यंत मुंबईतील श्री सिद्धिविनायक मंदिर बंद !
कोल्हापूरचे ग्रामदैवत श्री कपिलेश्वर मंदिराच्या भोवतीचे अतिक्रमण तातडीने काढा ! – भाजप
दिवसभरातील घडामोडींवर एक दृष्टीक्षेप : लोकलचे नियोजन पालटले; प्रवाशांचा गोंधळ !; बेस्टच्या चाकात अडकून मृत्यू !….
पुणे शहरातील २ लाख २० सहस्रांहून अधिक मिळकतींची ४० टक्के करसवलत रहित !
जैन साधकांसारखी वस्त्रे परिधान करून मंदिरात चोरी करणारा चोर कह्यात !
इचलकरंजी (कोल्हापूर) येथे जप्तीची कारवाई टाळण्यासाठी लाच घेतांना कायदेशीर सल्लागारास अटक !