आषाढी वारीला जाणार्‍या वारकर्‍यांच्या वाहनांना पथकर माफी !

मुंबई, ६ जुलै (वार्ता.) – आषाढी वारीसाठी पंढरपूरला जाणार्‍या वारकर्‍यांच्या वाहनांचा पथकर रहित करण्याचा निर्णय राज्यशासनाने घेतला आहे. मुख्यमंत्री कार्यालयाकडून ‘ट्वीट’द्वारे ही माहिती देण्यात आली आहे.

कोकणातील गणेशोत्सवाप्रमाणे पंढरपूर येथे आषाढीच्या वारीसाठी जाणाऱ्या वारकऱ्यांच्या वाहनांना टोल माफ करण्याचा निर्णय मुख्यमंत्री एकनाथ शिंदे यांनी जाहीर केला आहे.

— CMO Maharashtra (@CMOMaharashtra) July 6, 2022

वारकर्‍यांनी वाहनांवर ‘स्टिकर्स’ लावण्याच्या, तसेच प्रादेशिक परिवहन अधिकारी आणि पोलीस यांकडे नोंदणी करण्याची सूचना राज्याच्या मुख्य सचिवांनी दिली आहे.