संभाजीनगर शहरात मुख्यमंत्र्यांनी एकटे फिरून दाखवावे, लोक पळवून लावतील ! – इम्तियाज जलील, खासदार, एम्.आय.एम्.

संभाजीनगर – जाती-धर्मामध्ये तेढ निर्माण करण्याचा धंदा केला जात आहे. संभाजीनगर, महाराष्ट्र आणि देश यांच्याशी मुख्यमंत्री उद्धव ठाकरे यांना काहीही देणेघेणे नाही. केवळ सत्ता मिळवण्यासाठी हे धंदे चालू आहेत. त्यांनी येथील पाणी प्रश्नावर बोलावे आणि हिंमत असेल, तर शहरातील कोणत्याही परिसरात एकटे फिरून दाखवावे. तुम्ही शहरातील आई-बहिणींची भेट घ्यावी. त्या तुम्हाला हाणतील आणि पळवून लावतील, अशी टीका ‘एम्.आय.एम्.’चे खासदार इम्तियाज जलील यांनी १६ मे या दिवशी येथे केली. औरंगाबादचे संभाजीनगर नामांतर करण्याच्या सूत्रावर ते पत्रकारांशी बोलत होते.