रशिया आमच्यावर कधीही अणूबाँब टाकू शकतो ! – युक्रेनचे राष्ट्राध्यक्ष झेलेंस्की यांचा दावा

कीव (युक्रेन) – जगाला रशियाचे राष्ट्राध्यक्ष पुतिन यांच्याद्वारे अणूबाँबचा वापर करण्याच्या शक्यतेवरून सिद्ध राहिले पाहिजे, असे आवाहन युक्रेनचे राष्ट्राध्यक्ष व्लोदिमिर झेलेंस्की यांनी केले आहे. तसेच पुतिन रासायनिक शस्त्रांचाही वापर करू शकतात, अशी शक्यताही त्यांनी वर्तवली आहे.

Zelensky says the whole WORLD should be worried about Putin using a tactical nuclear weapon https://t.co/5AIwa1OyXL

— Daily Mail Online (@MailOnline) April 15, 2022

युक्रेनच्या सीमेजवळ अण्वस्त्रांचा मारा करू शकणारी विमाने दिसली !

रशिया आणि युक्रेन यांच्यातील युद्धाच्या ५५ व्या दिवशी युक्रेनच्या सीमेवर रशियाची अण्वस्त्रांचा मारा करू शकणारी ४ लढाऊ विमाने उडतांना दिसून आली. ब्रिटनच्या गुप्तचरांच्या माहितीनुसारही रशिया युक्रेनवर कधीही अणूबाँब टाकू शकतो, अशी शक्यता आहे.

Four Russian nuclear ‘Bear’ planes spotted in striking distance of Ukrainehttps://t.co/bLZ4c6oBN1 pic.twitter.com/Ki1aWQVD51

— Daily Star (@dailystar) April 18, 2022

अमेरिकेच्या राष्ट्राध्यक्षांचा युक्रेन दौरा रहित

अमेरिकेचे राष्ट्राध्यक्ष जो बायडेन युक्रेनच्या दौर्‍यावर जाणार होते; मात्र त्यांचा हा दौरा रहित करण्यात आला आहे. युक्रेनचे राष्ट्राध्यक्ष झेलेंस्की यांनी ‘युक्रेनची राजधानी कीव येथे येऊन रशियाच्या विरोधातील आमच्या लढ्याला समर्थन द्यावे’, असे जो बायडेन यांना आवाहन केले होते. त्यानुसार बायडेन तेथे जाणार होते.

US President #JoeBiden is not planning to visit Kyiv, despite #Ukraine‘s Volodymyr Zelensky urging him to demonstrate US support https://t.co/D030Q1TJ6T

— Hindustan Times (@htTweets) April 19, 2022

दौरा का रहित करण्यात आला, याचे कारण देण्यात आलेले नसले, तरी रशियाकडून अणूबाँब टाकण्याच्या शक्यतेमुळे तो रहित करण्यात आला आहे का ? असे प्रश्‍न उपस्थित होत आहेत.