बंगालच्या बगाखाली या मुसलमानबहुल गावामध्ये मशिदींमधून हिंदूंवर आक्रमण करण्याची चेतावणी

हिंदूंची घरे जाळा आणि त्यांच्यावर भाले, तलवार अन् चाकू यांद्वारे आक्रमण करा ! – मुसलमानांची चेतावणी

  • बंगाल भारतात आहे कि पाकिस्तानात ?
  • ममता बॅनर्जी यांच्या राज्यात हिंदू असुरक्षित ! ‘ममता बॅनर्जी यांना निवडून दिल्याची हिंदूंना मिळालेली ही शिक्षाच होय’, असे कोणी म्हटल्यास आश्‍चर्य वाटू नये !
  • काश्मीरप्रमाणेच आता बंगालमध्येही हिंदूंना मशिदींमधून धमक्या देऊन पळवून लावण्यात येत असतांना केंद्रातील भाजप सरकार निष्क्रीय राहून केवळ राजकीय स्वार्थ साधण्याचा प्रयत्न करत आहे, हे लक्षात घ्या !
  • काश्मीरप्रमाणे बंगालमधूनही हिंदू विस्थापित होण्यापूर्वीच हिंदु (ईश्‍वरी) राष्ट्राची स्थापना करण्याला पर्याय नाही, हे हिंदूंच्या लक्षात येईल तो सुदिन !
  • गोहत्या करणार्‍या कसायांना मारहाण झाल्यावर देशात असहिष्णुता वाढल्याची बांग देणारे निधर्मीवादी आणि पुरो(अधो)गामी यांना आता ही घटना दिसत नाही का ?

कोलकाता – बंगालच्या दक्षिण २४ परगणा जिल्ह्यातील बगाखाली या मुसलमानबहुल गावामध्ये १४ मे या दिवशी मशिदींवरील भोंग्यांवरून मुसलमानांना आवाहन करण्यात आले, ‘तुम्ही भाले, तलवारी, आदी मिळतील ती शस्त्रे घेऊन हिंदूंवर आक्रमण करा आणि त्यांना गावातून हाकलून लावा.’ या घोषणेच्या विरोधात तक्रार करण्याचा प्रयत्न करणार्‍या ११ हिंदूंनाच पोलिसांनी अटक केली आहे, अशी माहिती सूत्रांकडून देण्यात येत आहे. हे हिंदू रा.स्व. संघाचे स्वयंसेवक असल्याचे सांगण्यात येत आहे. तसेच पोलीस ठाण्यात ‘या विरोधात कोणी पुढे आल्यास त्याच्यावरही कारवाई केली जाईल’, अशी धमकीही मशिदींमधून देण्यात आल्याचे हिंदूंकडून सांगण्यात आले. त्यामुळे पोलिसांत जाण्याचे धाडस हिंदूंकडून करण्यात आले नसल्याचेही समजते. ही बातमी दडपण्याचा प्रयत्न करण्यात येत असल्याने राष्ट्रीय प्रसारमाध्यमांमध्ये याचे वृत्त देण्यात आलेले नाही.

या घटनेनंतर गावातील हिंदू पलायन करत आहेत. दुचाकी, सायकल यांवरून, तसेच पायी जात हिंदू पलायन करत आहेत. यासंदर्भातील एक ‘व्हिडीओ’ सामाजिक माध्यमातून प्रसारित होत आहे, तसेच स्थानिक वृत्तवाहिन्यांवरून याचे वृत्त दाखवण्यात आले आहे. या हिंदूंना प्रश्‍न विचारण्यात आल्यावर त्यांनी सांगितले, ‘‘मशिदींमधून घोषणा देण्यात येत आहे की, हिंदूंची घरे जाळून टाका. कोणत्याही हिंदूला घरातून बाहेर पडू देऊ नका. काठी, चाकू, तलवार, जे काही मिळेल, त्याद्वारे त्यांच्यावर आक्रमण करा.’’

Download Sanatan Prabhat App


Latest Features Include :

Download Now