भाऊबिजेेच्या निमित्ताने बहिणीला चिरंतन ज्ञानामृत असलेले सनातनचे ग्रंथ देऊन, तसेच राष्ट्र-धर्म यांच्याप्रती अभिमान वाढवणार्‍या सनातन प्रभातचे वाचक बनवून अनोखी ओवाळणी द्या !

भाऊबिजेनिमित्त सर्वत्रच्या हिंदु बांधवांना आवाहन !

१. भाऊबीज आणि त्या निमित्ताने दिली जाणारी ओवाळणी !

‘कार्तिक शुक्ल पक्ष द्वितीया, म्हणजेच भाऊबीज किंवा यमद्वितीया ! या वर्षी ९.११.२०१८ या दिवशी भाऊबीज असून हिंदु संस्कृतीनुसार या दिवसाला महत्त्व आहे. या दिवशी भाऊ बहिणीकडे भोजनासाठी जातो. ‘भावाने आपले रक्षण करावे’, यासाठी ती भावाला ओवाळते आणि भाऊ बहिणीला ओवाळणी देतो. या निमित्ताने बहिणीला वैविध्यपूर्ण ओवाळणी देण्याची पद्धत आहे. बर्‍याचदा भाऊ बहिणीला नवी वस्त्रे, अलंकार आदी भेट देतात, तर काही जण रोख रक्कमही देतात.

२. सध्याच्या काळानुसार श्रेष्ठ ओवाळणी !

भाऊबिजेच्या दिनी आपल्या बहिणीला वरील अशाश्‍वत भेटवस्तू देण्याऐवजी चिरंतन ज्ञानाचा प्रसार करणार्‍या सनातनच्या ग्रंथसंपदेतील ग्रंथ भेट देता येतील. त्याचप्रमाणे तिला सनातन प्रभात या नियतकालिकाचे वाचकही बनवता येईल. सध्याच्या काळानुसार ही भेट देणे अधिक सयुक्तिक ठरेल.

३. सहजसोप्या भाषेत धर्मशास्त्र सांगून धर्माप्रती श्रद्धा वाढवणारे सनातनचे ग्रंथ !

सनातनने सप्टेंबर २०१८ पर्यंत अध्यात्म, साधना, देवतांची उपासना, आचारधर्म, बालसंस्कार, राष्ट्ररक्षण, धर्मजागृती आदी विषयांवरील ३१० ग्रंथ आणि लघुग्रंथ यांच्या मराठी, हिंदी, इंग्रजी, गुजराती, कन्नड, तमिळ, तेलुगु, मल्ल्याळम्, बंगाली, ओडिया, आसामी, गुरुमुखी, सर्बियन, जर्मन, स्पॅनिश, फ्रेंच आणि नेपाळी या भाषांत ७३ लाख ६७ सहस्र प्रती प्रकाशित केल्या आहेत. हे ग्रंथ १७ भाषांत उपलब्ध असून ते वाचकांना ‘काळानुसार आवश्यक साधना कोणती ? देवतांची उपासना कशी करावी ? धार्मिक उत्सव कसे साजरे करावेत ?’ आदी विषयांवरील अमूल्य ज्ञान सहजसोप्या भाषेत देतात. त्यामुळे ज्यांना भेट देतो, त्यांची धर्माप्रती श्रद्धा वाढते.

४. साधनेचे महत्त्व बिंबवणारे आणि प्रतिकूल प्रसंगांना सामोरे जाण्यासाठी स्त्रियांमध्ये मनोधैर्य निर्माण करणारे सनातन प्रभात !

सध्या सामाजिक परिस्थिती बिकट असल्याने स्त्रियांंना अनेक समस्यांना सामोरे जावे लागते. त्यामुळे त्यांना या समस्यांविषयी अवगत करून सतर्क करणे, ही काळाची आवश्यकता आहे. सनातन प्रभात अविरतपणे हे समाजोपयोगी कार्य करत आहे. स्वरक्षणासाठी उद्युक्त करणारे, तसेच ‘साधनेचा आधार घेऊन प्रतिकूल प्रसंगांना सामोरे कसे जायचे ?’ यांविषयीची उपयुक्त माहिती देणारे लेख या नियतकालिकात नियमित प्रसिद्ध केले जातात. त्यामुळे कठीण प्रसंगांना सामोरे जाण्याचे मनोधैर्य स्त्रियांंमध्ये निर्माण होऊ लागते. भगिनीच्या मनावर साधनेचे महत्त्व बिंबवून जीवनात आमूलाग्र पालट करणार्‍या सनातन प्रभातचे तिला वाचक बनवणे आणि त्यातील अमूल्य माहिती वाचण्यास प्रवृत्त करणे, यांपेक्षा अन्य श्रेष्ठ ओवाळणी कोणती असेल ?

बहिणीला देण्यासाठी सनातनचे ग्रंथ आणि लघुग्रंथ हवे असल्यास त्यांची मागणी स्थानिक वितरकांकडे करता येईल. तिला वाचक बनवण्यासाठी www.SanatanPrabhat.org/subscribe/ या संकेतस्थळाला भेट द्यावी वा स्थानिक साधकांना संपर्क करावा.’

– (सद्गुरु) सौ. बिंदा सिंगबाळ, सनातन आश्रम, रामनाथी, गोवा. (२९.१०.२०१८)

Download Sanatan Prabhat App


Latest Features Include :

Download Now