ರಾಜ್ಯದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥರ ಆದೇಶದಂತೆ ನವರಾತ್ರಿಯಲ್ಲಿ ನಡೆಸಲಾಗುತ್ತಿರುವ ‘ಮಿಶನ್ ಶಕ್ತಿ’ ಅಭಿಯಾನದಡಿಯಲ್ಲಿ ಮಹಿಳೆಯರ ಮೇಲಿನ ಅತ್ಯಾಚಾರದ ಸಂದರ್ಭದಲ್ಲಿ ಕಳೆದ ೨ ದಿನಗಳಲ್ಲಿ ೧೪ ಅಪರಾಧಿಗಳಿಗೆ ಗಲ್ಲು ಶಿಕ್ಷೆ ಮತ್ತು, ೨೦ ಅಪರಾಧಿಗಳಿಗೆ ಜೀವಾವಧಿ ಶಿಕ್ಷೆಯನ್ನು ನೀಡಲಾಗಿದೆ.

ಚೀನಾದ ಪೀಪಲ್ಸ್ ಲಿಬರೇಶನ್ ಆರ್ಮಿಯ (ಪಿಎಲ್‌ಎ) ಯೋಧನನ್ನು ಇಲ್ಲಿನ ಡೆಮ್‌ಚೋಕ್ ಪ್ರದೇಶದಲ್ಲಿ ಗಡಿಯಲ್ಲಿ ಭಾರತೀಯ ಸೈನ್ಯವು ಸೆರೆಹಿಡಿದಿದೆ. ಆತನ ಹೆಸರು ವಾಂಗ್ ಯಾ ಲಾಂಗ್ ಎಂದಿದೆ. ಆತ ಜೆಜಿಯಾಂಗ್ ಪ್ರಾಂತ್ಯದ ನಿವಾಸಿಯಾಗಿದ್ದಾನೆ. ಆತನ ಬಳಿ ಸಿವಿಲ್ ಮತ್ತು ಮಿಲಿಟರಿ ದಾಖಲೆಗಳು ಪತ್ತೆಯಾಗಿವೆ.

ಸಂಚಾರವಾಣಿಗಳನ್ನು ತಯಾರಿಸುವ ಚೀನಾದ ಕಂಪನಿ ‘ಶಾವೊಮಿ’ಯ ಸಂಚಾರವಾಣಿಯಿಂದ ಅರುಣಾಚಲ ಪ್ರದೇಶದ ಹವಾಮಾನ ವರದಿಯ ಮಾಹಿತಿಯನ್ನು ಪಡೆಯಲು ಪ್ರಯತ್ನಿಸಿದಾಗ ಅದು ಯಾವುದೇ ಮಾಹಿತಿಯನ್ನು ತೋರಿಸಲಿಲ್ಲ. ಅದೇರೀತಿ ರಾಜ್ಯದ ರಾಜಧಾನಿ ‘ಇಟಾನಗರ’ದ ಹೆಸರನ್ನು ಸಹ ಬೆರಳಚ್ಚು ಮಾಡಿದರೂ ಯಾವುದೇ ಉತ್ತರ ಸಿಗುತ್ತಿಲ್ಲ.

ಇಲ್ಲಿನ ಪೊಲೀಸ್ ಕಸ್ಟಡಿಯಲ್ಲಿ ೫ ಪೊಲೀಸರು ೧೦ ದಿನಗಳ ಕಾಲ ಸಾಮೂಹಿಕ ಅತ್ಯಾಚಾರ ಎಸಗಿದ್ದಾರೆ ಎಂದು ಮಹಿಳೆಯೊಬ್ಬಳು ಆರೋಪಿಸಿದ್ದಾಳೆ. ಮೇ ೯ ರಿಂದ ಮೇ ೨೧ ರವರೆಗೆ ಈ ಪ್ರಸಂಗ ಘಟಿಸಿದೆ ಎಂದು ಅವಳು ಹೇಳಿದ್ದಾಳೆ. ಈ ಮಹಿಳೆಯು ಹತ್ಯೆಯ ಪ್ರಕರಣದ ಆರೋಪಿಯಾಗಿದ್ದಾಳೆ. ಸಧ್ಯ ಆಕೆ ಸೆರೆಮನೆಯಲ್ಲಿದ್ದಾಳೆ.

ಕಾಂಗ್ರೆಸ್‌ನ ನಾಯಕ ಹಾಗೂ ಮಾಜಿ ಮುಖ್ಯಮಂತ್ರಿ ಕಮಲನಾಥ ಇವರು ಉಪಚುನಾವಣೆಯಲ್ಲಿ ಪಕ್ಷದ ಅಭ್ಯರ್ಥಿ ಪರ ಪ್ರಚಾರ ನಡೆಸುತ್ತಿರುವಾಗ ಬಿಜೆಪಿ ಅಭ್ಯರ್ಥಿ ಇಮರತಿದೇವಿಯವರನ್ನು ‘ಐಟಂ’ ಎಂದು ಸಂಬೋಧಿಸಿದ್ದರು. ಅದಕ್ಕಾಗಿ ಬಿಜೆಪಿಯು ಚುನಾವಣಾ ಆಯೋಗಕ್ಕೆ ದೂರು ನೀಡಿದೆ. ಈ ಘಟನೆಯನ್ನು ಖಂಡಿಸಲು ರಾಜ್ಯದ ಬಿಜೆಪಿ ಮುಖ್ಯಮಂತ್ರಿ ಶಿವರಾಜ ಸಿಂಗ ಚೌಹಾಣರು ಅಕ್ಟೋಬರ್ ೧೯ ರಂದು ಎರಡು ಗಂಟೆಗಳ ಮೌನ ಪಾಲಿಸಿದರು.