ಸನಾತನ ಪ್ರಭಾತ > Post Type > ವಾರ್ತೆಗಳು > ಅಂತಾರಾಷ್ಟ್ರೀಯ > Hindu Temple’s Land Occupied : ಪಾಕಿಸ್ತಾನದಲ್ಲಿ ೧೦೦ ವರ್ಷಗಳ ಹಳೆಯ ಶಿವ ದೇವಸ್ಥಾನದ ಭೂಮಿ ಅತಿಕ್ರಮಣಕ್ಕೆ ಒಳಗಾಗಿದೆ!

Hindu Temple’s Land Occupied : ಪಾಕಿಸ್ತಾನದಲ್ಲಿ ೧೦೦ ವರ್ಷಗಳ ಹಳೆಯ ಶಿವ ದೇವಸ್ಥಾನದ ಭೂಮಿ ಅತಿಕ್ರಮಣಕ್ಕೆ ಒಳಗಾಗಿದೆ!

ಶಿವ ಕಚ್ಚಿ, ‘ದರ್ವಾರ್ ಇತ್ತೆಹಾದ್ ಪಾಕಿಸ್ತಾನ್’ ಮುಖ್ಯಸ್ಥ

ಇಸ್ಲಾಮಾಬಾದ್ – ಪಾಕಿಸ್ತಾನದ ಸಿಂಧ ಪ್ರಾಂತ್ಯದ ತಾಂಡೋ ಜಾಮ್ ನಗರದ ಸಮೀಪವಿರುವ ೧೦೦ ವರ್ಷಗಳ ಹಳೆಯ ಶಿವ ದೇವಾಲಯದ ಭೂಮಿಯನ್ನು ಅತಿಕ್ರಮಿಸಲಾಗಿದೆ. ಅಷ್ಟೇ ಅಲ್ಲ, ಅದರ ಸುತ್ತಲೂ ನಿರ್ಮಾಣ ಕಾರ್ಯವನ್ನೂ ಪ್ರಾರಂಭಿಸಲಾಗಿದೆ. ಹಿಂದೂ ಸಮುದಾಯವನ್ನು ಪ್ರತಿನಿಧಿಸುವ ‘ದರ್ಬಾರ್ ಇತ್ತೆಹಾದ್ ಪಾಕಿಸ್ತಾನ್’ ಸಂಘಟನೆಯು ಇತ್ತೀಚೆಗೆ ಈ ಅಕ್ರಮ ನಿರ್ಮಾಣವನ್ನು ನಿಲ್ಲಿಸುವಂತೆ ಸರಕಾರಕ್ಕೆ ಮನವಿ ಮಾಡಿದೆ. (ಈ ಮನವಿಗೆ ಕಿವಿಗೊಡಲಾಗುವುದಿಲ್ಲ ಎಂದು ಪ್ರತ್ಯೇಕವಾಗಿ ಹೇಳಬೇಕಾಗಿಲ್ಲ! – ಸಂಪಾದಕರು)

೧. ಈ ಸಂಘಟನೆಯ ಮುಖ್ಯಸ್ಥರಾದ ಶಿವಾ ಕಚ್ಚಿ ಅವರು ಸಾಮಾಜಿಕ ಮಾಧ್ಯಮದಲ್ಲಿ ವೀಡಿಯೊವನ್ನು ಬಿಡುಗಡೆ ಮಾಡಿ, ಹಿಂದೂ ದೇವಾಲಯದ ಭೂಮಿಯನ್ನು ಕಬಳಿಸಿದವರು ದೇವಾಲಯದ ಸುತ್ತ-ಮುತ್ತಲಿನ ಭೂಮಿಯಲ್ಲಿ ಅಕ್ರಮ ನಿರ್ಮಾಣವನ್ನು ಪ್ರಾರಂಭಿಸಿದ್ದಾರೆ ಮತ್ತು ಶಿವ ದೇವಸ್ಥಾನಕ್ಕೆ ಹೋಗುವ ರಸ್ತೆಗಳು ಮತ್ತು ಪ್ರವೇಶದ್ವಾರವನ್ನು ನಿರ್ಬಂಧಿಸಿದ್ದಾರೆ ಎಂದು ಹೇಳಿದ್ದಾರೆ.

೨. ದೇವಸ್ಥಾನದ ಐತಿಹಾಸಿಕ ಮಹತ್ವವನ್ನು ಗಮನದಲ್ಲಿಟ್ಟುಕೊಂಡು ಕಳೆದ ವರ್ಷ ಸಿಂಧ ಪರಂಪರಾ ವಿಭಾಗದ ತಂಡವು ದೇವಸ್ಥಾನವನ್ನು ನವೀಕರಿಸಿತ್ತು ಎಂದು ಶಿವಾ ಅವರು ತಿಳಿಸಿದರು. ಸಿಂಧನಲ್ಲಿ ಅನೇಕ ಐತಿಹಾಸಿಕ ಹಿಂದೂ ದೇವಾಲಯಗಳಿವೆ ಮತ್ತು ಅವುಗಳ ಸುರಕ್ಷತೆಯನ್ನು ಖಚಿತಪಡಿಸಿಕೊಳ್ಳುವುದು ಸರಕಾರದ ಕರ್ತವ್ಯ ಎಂದು ಅವರು ಆಗ್ರಹಿಸಿದರು.

೩. ದೇವಸ್ಥಾನದ ಸಮೀಪ ಹಿಂದೂ ಸ್ಮಶಾನ ಕೂಡ ಇದೆ. ಇಲ್ಲಿ ವಾರ್ಷಿಕ ಧಾರ್ಮಿಕ ಸಮಾರಂಭಗಳನ್ನು ಆಯೋಜಿಸಲಾಗುತ್ತದೆ. ಭೂ ಮಾಫಿಯಾಗಳು ದೇವಸ್ಥಾನದ ಸುತ್ತ-ಮುತ್ತಲಿನ ಭೂಮಿಯನ್ನು ನಿಯಂತ್ರಣಕ್ಕೆ ತೆಗೆದುಕೊಂಡಿವೆ ಎಂದು ಶಿವಾ ಅವರು ಆರೋಪಿಸಿದರು.

ಸಂಪಾದಕೀಯ ನಿಲುವು

ಪಾಕಿಸ್ತಾನದಲ್ಲಿ ಹಿಂದೂ ದೇವಸ್ಥಾನಗಳು ಅಸುರಕ್ಷಿತ!

ಸಂಬಂಧಿತ ಲೇಖನಗಳು